Popular Bible Verses from Madiu 4

Share

Na Yeisu iwalo, ‘Buki Ve'ahihi holanai loina imiyamiya ebeha: “Tomowa yawahidi nigele ai'ai a'ava ainaena, na hesi walowo maudoidi Yaubada awanaena hilaoma iya tomowa yadi abanamwanamwa”.’

Eena Yeisu iwalouyo, iwalo, ‘Tomodulele, ulau vehulugau! Buki Ve'ahihi holanai loina imiyamiya ebeha: “Yam Yaubada ibom ainai upwagogo yo utapwalolo yo ibom yana walo upaihowai”.’

Na Yeisu hinage iwalo, ‘Ehebo walo Buki Ve'ahihi ainai imiyamiya iwalo: “Havena yam Bada Yaubada utowotowoi”.’

Teina ainaena Yaubada Alu'aluwana Yeisu ilauvai ta ilalaweine balabala awawai ta ebeha ana towoi Tomodulele ainaena ilobai. Na ahubena 40 holanai nigele iya'ai, ta ainaena ivahali mwala'ina.

Na iyogaedima na iwalo, ‘Ammulitaegau na tomowa am'onadi’. Tenem ainai yadi vinayawa hilaugabaei na Yeisu himumulitaeine.

Hauga tenem ainaena Yeisu yana guguya ivetuwuni na iwalo, ‘Yami paihowa yababadi aidiyena amnuwabui, wuwuna hauga bada imahalava'o na Yaubada ivetauloina alidai’.