Popular Bible Verses from Ngāue 2

Share

Pea tali atu ‘e Pita, “Mou tafoki ki he ‘Otuá. Pea mou papitaiso ‘i he huafa ‘o Sīsū Kalaisí kae fakamolemole‘i ho‘omou ngaahi angahalá. Pea te mou ma‘u ‘a e Laumālie Mā‘oni‘oní.

Na’a nau matu’aki nofo ki he fakahinohino ‘a e kau ‘apōsitolo, mo e feohi, mo e pakipaki mā, mo e ngaahi feinga lotu.

Na‘e toki fā‘ofale leva ‘a e Laumālie Mā‘oni‘oní ‘iate kinautolu kotoa pē, ‘o nau kamata lea‘aki ha ngaahi lea kehekehe na‘e tuku ‘e he Laumālié ke nau lea‘aki.

Pea fakafokifā pē kuo ongo hifo mei he langí ha fu‘u mumuhu, ‘o hangē ko e mumuhu ‘a ha matangi mālohi. Pea kuo fā‘ofale ia he loki na‘a nau nofo aí. Na‘e ‘asi mo ha ngaahi ulo‘i afi ‘oku fōtunga‘i ‘elelo, ‘o ‘alu hifo ia ‘iate kinautolu tāutaha. Na‘e toki fā‘ofale leva ‘a e Laumālie Mā‘oni‘oní ‘iate kinautolu kotoa pē, ‘o nau kamata lea‘aki ha ngaahi lea kehekehe na‘e tuku ‘e he Laumālié ke nau lea‘aki.

Pea ko e ‘aho kotoa pē na‘a nau kaungā lotu he Temipalé, mo kaungāpakipaki mā ‘i honau ngaahi ‘apí, mo kaungāma‘u me‘atokoni mo e loto fiefia mo nonga, mo nau fakamālō ki he ‘Otuá. Na‘e ‘ofeina kinautolu ‘e he kakai kotoa pē, pea ‘alu pē e ‘ahó mo e tupu tokolahi e kakai kuo fakamo‘ui ‘e he ‘Eikí.

‘Ka hoko mai leva ‘a e ngaahi ‘aho faka‘osi‘osi ‘o māmaní, Pea te u foaki hoku Laumālié ki he kakai kotoa pē. ‘E palōfisai homou ngaahi fohá, mo homou ngaahi ‘ōfefiné. ‘E mata vīsone ho‘omou kau talavoú, ‘E mohe misi ho‘omou mātu‘á.

Pea na‘e feohi e kakai na‘e tui kia Sīsuú, mo nau me‘a taha. Na‘a nau fakatau atu ‘enau nga‘oto‘otá mo ‘enau koloá, pea foaki e pa‘anga na‘e ma‘u aí ‘o fakatatau ki he’enau fiema’u taki taha.

Pea ‘e fakahaofi ‘e he ‘Eikí ‘a e kakai kotoa pē ‘e kole tokoni kiate iá.’

‘E fakapo‘uli e la‘aá pea kulokula e māhiná ‘o hangē ko ha totó, ‘i he ‘ama‘amanaki ke hoko mai e ‘aho lahi mo fungani ‘o e ‘Eikí.