Popular Bible Verses from Mātiu 19

Share

Pea sio fakamama‘u ‘a Si̇̄sū kiate kinautolu, pea naʻe toki pehē: ‟‘Oku ‘i ai ʻa e ngaahi me‘a ‘e ‘ikai te mou lava ‘ekimoutolu. Ka ‘oku malava ‘e he ‘Otuá ‘a e me‘a kotoa pē.”

‘Oku ‘ikai ke na kei ua, ka kuo na hoko ko e kakano pē ‘e taha. Pea ko kinaua kuo fakahoko ‘e he ‘Otuá ‘o tahá, ke ‘oua na‘á toe fakamāvae ‘e ha taha.”

Pea tali ‘e Si̇̄sū, ‟Kuo teʻeki koā te mou lau ʻa e potu Folofola ko eni̇́, ‘I he kamata‘angá na‘e fakatupu ‘e he ‘Otuá ‘a e tangata mo e fefine? Pea naʻe folofola, Ko hono ʻuhinga ia kuo pau ai ke tuku ange ‘e ha tangata ‘ene tamai̇́ mo ʻene fa‘eé, ka na hoko ‘o kakano taha mo hono uaifi̇́.

Kae talaange ‘e Si̇̄sū, ‟Mou tuku e longa‘i fānaú ke omi kiate au. ‘Oua te mou ta‘ofi kinautolu, he ‘oku maʻae faʻahinga peheé, ʻa e Pule‘anga ‘o Hēvani̇́.”

Ka ko e tokolahi ‘oku nau lolotonga tu‘u ‘i he ‘otu mu‘á, te nau tu‘u he ‘otu mui̇́. Pea ko e tokolahi ‘oku nau lolotonga tu‘u he ‘otu mui̇́, te nau tu‘u he ‘otu mu‘á.”

Pea ‘ilonga ha taha kuó ne liʻaki hano ‘api, pē ko hano tokoua, pē tuofāfine, pē tamai, pē fa‘ē, pē fānau, pē ngoue‘anga koeʻuhi̇̄ ko au, ‘e fakakoloa ia ‘o liuliunga. Pea ‘e ‘oange mo‘ona mo e mo‘ui ta‘engatá.

Pea tali ‘e Si̇̄sū, ‟Kapau ‘okú ke loto ke haohaoa ho‘o moʻui̇́, peá ke ‘alu ‘o fakatau atu ho‘o me‘a kotoa ‘oku ma‘ú, pea tufa ʻa e pa‘angá ki he masivá, ka ke ma‘u koloa ‘i Hēvani. Peá ke ha‘u leva ‘o muimui kiate au.”

Pea tali ‘e Si̇̄sū, ‟Ko e hā ‘okú ke faka‘eke‘eke ai au ʻo kau ki he me‘a ‘oku lelei̇́? Ko e ‘Otuá pē ‘a e lelei̇́. Pea kapau ‘okú ke fiema‘u ʻa e mo‘ui ta‘engatá, peá ke tauhi ʻa e ngaahi fekau ‘a e ‘Otuá.”

Ko hono mo‘oni̇́, ‘oku faingofua ange ke hū ha kāmeli ‘i ha ava‘i hui tuitui ‘i he hū ha taha koloa‘ia ki he Pule‘anga e ‘Otuá.”

Pea ko hono mo‘oni̇́ ʻeni ‘oku ou tala atú, ka ‘ilonga ha tangata te ne vete mo hono uaifi̇́, ka na‘e ‘ikai ke fe‘auaki ia, kapau ‘e toe mali ʻa e tangatá, ko ʻene tono mali ia.”

Pea talaange ‘e Si̇̄sū ki he‘ene kau akó, ‟Ko hono mo‘oni̇́ ʻeni ‘oku ou tala atú, ‘oku faingata‘a ‘aupito ke hū ha taha koloa‘ia ki he Pule‘anga ‘o Hēvani̇́.