Popular Bible Verses from JENESIS 39

Share

Josepbe dage Tingwang bam de lei, zai pa â pezeulungbe ziemmena chang di de lei; zai pa â pe pau Ijip’mpeu ki ge bam de lei

Chidadege pe gu kebambe leine ze Josepbe ba ge pa ne rezie pei gai bei de lei; zai pechu nguabambe ziegene pa â pa tak teurabe hang runne zangno mâ de ’nninghereu ra ga di de lei. Josepbe â pe pumsakyi zai rehangyi lei.

Zai kebangki ge besuitewpeu ne kebangki ge bangbe kau ramme je Josepbe kereîbe kang gene bam kam ra pei gai bei de lei, zai chige ’ndaikau tew gai mei be ramme ze pa ne tewgaibe kam de lei

Zai Josepbe pau ne pechu nîm lu kebangki ge kai bei de lei, heguang gu kebangme je kaikanduibe bâm ge zeu; zai chi kebangki ge pa bam de lei. Kane Josepbe dage Tingwang bam zai hungka’ntipbe pechu teilia bei de lei, zai kebangki ge besuitewpeu mikngau ge ngau’nggiagairabe luilung bam ra pechu pei gai bei de lei.

Zai mâtiege mak ze Josepbe je pe pau nâu ne ngau’mmi di de lei, zai acheu sa ze, “A dage jei gai lau,” ze kacheu de lei. Zai pa ne lun mak, zai pe pau nâu dage acheu sa ze, “Pie le lau, I bambe ziegene a pau â kilûngkang ge mâ de ’nningkahereube ga zai pe gu mâgetaleine a ba ge kai kam gai de lei; aipau kilûng kangge â pa du I sua â di-bi sua me lei; a dagene pe hangge teichâmgaibe du mâ de ’ngga lei, ningchu runne zangno, nang â pe nâu dadegeu; chidaze ’ndaigum ze, aigum ze sia-kadesangbe tâ I tew, zai Hera mikngau ge hemui tâ tewgaichi ra lau?” kacheu de lei.

Kane mai kat â pa pe tâ tew ra kilûng ge gutbe lua zai kilûng ge ziemmena mî de gabe luage, pa ne pe paî gene herak lu acheu sa ze, “A dage jei gai lau,” kacheu de lei. Kane pe ba ge pe paî sâu gai nan ze, kilûng gene hela ’mbe pakpat ti de lei.