Popular Bible Verses from Luk 12

Share

Be Yisu ginei, Yem tangg-aim nitung yaun ete ayeu ganei nik vevie be undi kob! Amol ti ginei gitpweng as matano sawa ebe amolmol vaina ane atob inme be invaina ei ane gen nangge ane nam aplo ok are gikwai, okob amol nok atob nipasang ate be nimbweg ve na niengk amolmol vaina ane ebe atob inme ok.

Bemem yem, yem Tamangg aim ebe gibweg gulumb ok ei gili be gitpweng are gikwai ginei yem tangg-aim givin ve un-gas gen etok be ebeik.

Beti Yisu ginei gitangi amolmol tepwengge be ginei, “Amolmol as gen vevies walang ano molge ete giengk nik, dangetok be yem undi aim ate-ngge velob unvalval as gen. Tanambweg matawand ane dabe gisov wambal ite, ma yapin.”

Dangetok be unemb aim wambal nitangi amolmol be inavgo be unemb gen etok ane mone nitangi amolmol ebe gen ma ve is ok. Be unemb kulkul ve unro aim gen vevies sut nisov Pomate ane taku nile niengk, ve amolmol vaina ane gitangi ebe atob insov inde be invwat nikwai ok ite, me gwaleseng wat nidbwen aim gen gilkili ok ite ma molge. Ve taku ete yem ve unro aim gen vevies sut nisov nile niengk ok

Bekob ginei, Amol ti ginei ta nitung ve ginei atob ei nimbweg matawe sawa undib siti nivin bekob, okob ei gitangi ebe atob nilgum dangete ande ta gitung ok me ma? Ma yapin!

Be Yisu ginei gitangi ane singamolomb gen be ginei, “Dangetok be aplongg-aim bunam be tangg-aim nitung gen ete ve unen be unum ok, be tis kup be kambam ebe ve nisil utlangg-aim ulis ok nitlek molge-ge ite.

be givnawi amolmol dabaslan givin weik etok ge. Be yem unpelk ve amolmol ebeok sinsin-ge ite, ve yem amolmol yem gen vie molge gitlek mank natu ebe uli weik gen sin-ge ok bemem Pomate ta givalngan eisir ite.

Dangetok be yem undi Pomate weik aim Amol Bamo, be atob ei nemb gen walang etok nitangi yem.

Be Yisu ginei, Yem undi mank bambamo ete ivang nik, eisir um ma ve is be as nam ben ano ane ti giengk ite ma molge, bemem Pomate ei ate givkwen eisir. Be yem amolmol yem gen vie molge gitlek mank be Pomate atob nemb yem dabin vie-ngge.

Beti gilgum be aplongg-aim bunam be tangg-aim gitung yaun walang ano molge.

Be monok bambamo ete galkik ivarkei nik, eisir gen galkik ane-ngge be asongkob atob ainggwen be nes ulur nikwai. Bemem Pomate ei ate gigolong eisir utlas ulis ve gen bwalbwale vevies ge. Dangetok be Pomate ok atob nemb gen vevies ge nitangi yem nitlek ete ei gilgum gitangi monok ok, bemem yem aplongg-aim givin ei ano molge ite.

Be gen ret-ret ete givuaivun ate-ngge ok atob niengk nitip ge, be yaun ebe amolmol tas gisgil ok atob inatpweng are be ma. Be yaun ret ebe yem unei uvang aikai-kawe-ngge ok, ete atob inei yaun etok nitangi amolmol be inaute. Be yaun ebe yem ate-ngge unei bwaibwayage gitangi aim ate-ngge nangge nam aplo ok ete atob inei nile nihlang nam luvwe be amolmol tepwengge inaute.