Popular Bible Verses from MARKKC 6

Share

Odokkc Bv luto bulum, “Ronggampcsam cmnc dungko kolo:pc nolu avyc gvlenna gvtok, odokkc adjio:ko du:rasutok.” Kapila:nc bojcrungc gvtvla odokkc gvlatlangkula dungai, odokkc bulu bulukkc donanc du:rasunanc ayirkosinci kamangai.

Odokkc Jisubv bulum luto, “Ru:ncpvnck agom luno:nc tani:dcm mcnggc ima:pc ima:nammc kamang, avkc amo:do:ma:mvlo, odokkc avkc bvk okumdo:ma:mvlo.”

Bv siycng asi ru:yido:pc gvlennammc bottcru:nc yadrumbomnc tani:kcrcngko ka:begto, odokkc Bv bulum airu:pc ayang-abopc mcngkang, kapila:nc bulu ka:sv:nc kama:nc me:r sobencmpc idagai; odokkc bulum Bv bojcrungko agomcm luyirrobbomkang.

Odokkc Bv odo mcngapla:ma:nam agercm gerla:tomang, kinc tani: anyi awumo:ko alakki riyidbila aimokunamdok angupc. Odokkc Bv buluk mc:jvma:namkokki mcngapla:tomang. Odokkc Bv do:lungkvdv:do luyir luyirla gvbomkang.

Odokkc pitang borngodcmlang ongo pirmyidcm langge:la Bv taycng amo:pc ka:sa:to, odokkc luyitko luto, odokkc pitangkvdv:dcm pentungamto, cdcmbulum agom tadjvgla gvmvnnc tani:kvdv:dcm ordopc bito; odokkc Bv ongo pirnyidcmsin buluk appv:dcm orpansubito. Odokkc bulu appv:dc dola dotvngamsukang. Odokkc bulu gempa pvyingkolang pvnyi bi:nc bi:nckopc pentu:namkvdv:dok odo ongodok jo:sa:suto.