Popular Bible Verses from Jenesis 24

Share

Hag ev e leveris, ‘A ARLOEDH, Duw ow arloedh Abraham, gront dhymm sewena hedhyw my a'th pys ha diskwa tregeredh dhe'm arloedh Abraham.

An vowes may lavarav dhedhi, “Gorr dha bycher yn-nans, my a'th pys, may hylliv eva”, ha hi a worthyp, “Yv, ha my a re dowr dhe'th kowrvergh ynwedh” – gas hi dhe vos neb re wrussys hy apoyntya rag dha was Ysak, hag yndella my a woer ty dhe dhiskwedhes tregeredh dhe'm arloedh.’

Ena Ysak a's dros a-berth yn tylda Sara y vamm hag ev a gemmeras Rebeka ha hi eth ha bos y wreg; hag ev a's karas. Yndella Ysak a veu konfortys wosa mernans y vamm.

Hag i a vennigas Rebeka ha leverel dhedhi, ‘Agan hwoer osta; re bi mamm dhe vilyow a dhegow a vilyow, ha re berghenno dha has yet an re a's kas.’

ha my a wra dhis ti re'n ARLOEDH, Duw an nevow ha Duw an norvys, na wre'ta kemmeres gwreg rag ow mab a vyrghes an Kananysi, mayth esov trigys yn aga mysk. Mes ke dhe'm pow vy ha dhe'm kerens ha kemmer gwreg rag ow mab, rag Ysak.’