Popular Bible Verses from Yowann 14

Share

Kres a asav dhywgh, ow kres a rov dhywgh; ny rov dhywgh kepar dell re an bys. Na vedhes dha golonn troblys, ha na berthes own.

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

‘Na vedhes troblys agas kolonn; hwi a grys yn Duw, krysewgh ynwedh ynnov vy.

Mes an Konforter, an Spyrys Sans neb a wra an Tas y dhannvon y'm hanow vy, ev a dhysk dhywgh pup-tra ha'gas kovha a bup-tra a leveris dhywgh.

Neb a'n jeves ow gorhemmynnow ha'ga gwitha, ev yw neb a'm kar; ha neb a'm kar a vydh kerys gans ow Thas, ha my a'n karvydh, ha diskwedhes ow honan dhodho.’

Ha my a vynn govynn orth an Tas, hag ev a re dhywgh konforter arall, may hwrello gortos genowgh rag nevra, an Spyrys a wiryonedh, neb na yll an bys y dhegemmeres, rag ny'n gwel na ny'n aswonn. Mes hwi a'n aswonn, rag ev a drig genowgh hag ev a vydh ynnowgh.

Ha pypynag a wovynnowgh y'm hanow vy, henna a wrav, may fo glorifiys an Tas y'n Mab. Mar kovynnowgh tra y'm hanow vy, my a'n gwra.

‘Mara'm kerowgh, hwi a with ow gorhemmynnow.

Yn chi ow Thas yma lies trigva. Mar ny ve, a wrussen vy leverel dhywgh my dhe vos dhe bareusi tyller ragowgh?

Ha mar kwrav vy mos ha pareusi tyller ragowgh, my a dhehwel arta ha'gas kemmeres dhymm ow honan, may fowgh hwi ynwedh y'n tyller mayth esov vy.

Tommas a leveris dhodho, ‘Arloedh, ny wodhon ple'th edh; fatell yllyn godhvos an fordh?’