Popular Bible Verses from Yowann 19

Share

Ytho pan wrussa Yesu kemmeres an aysel, ev a leveris, ‘Kowlwrys yw.’ Hag ow poesa y benn war-rag, ev a dhaskorras an enev.

Wosa hemma, Yesu, ow kodhvos pup-tra lemmyn dhe vos kowlwrys, may fe kollenwys an skryptor, a leveris, ‘Yma syghes dhymm.’

Ytho pan welas Yesu y vamm ha'n dyskybel a gara ow sevel yn ogas, yn-medh ev dh'y vamm, ‘Benyn, awotta dha vab.’ Ena yn-medh ev dhe'n dyskybel, ‘Awotta dha vamm.’ Hag alena rag an dyskybel a's kemmeras yn y dre y honan.

Mes pan dheuthons dhe Yesu ha gweles y vos marow seulabrys, ny dorrsons y dhiwarr. Mes onan a'n soudoryon a wanas y denewen gans guw, ha desempis y teuth yn-mes goes ha dowr.

Ha'n taklow ma a hwarva may fe kollenwys an skryptor, ‘Ny vydh askorn anodho terrys.’ Hag arta skryptor arall a lever, ‘I a vir warnodho neb a wansons.’

hag ev eth yn-rag ow toen y grows y honan bys yn tyller henwys Tyller Krogen, hag yn Ebrow, Golgotha

Ha'n soudoryon a blethas kurun a spern ha'y gorra war y benn, hag i a'n kwethas gans mantell a burpur