Popular Bible Verses from Luk 14

Share

‘Mar teu nebonan dhymm heb kasa y das ha'y vamm ha'y fleghes ha'y vreder ha'y hwerydh, hag ynwedh y vewnans y honan, ny yll bos ow dyskybel.

Ha denvyth neb na dhokko y grows y honan ha dos war ow lergh, ny yll bos ow dyskybel.

Rag peub neb a omughelha a vydh dres isel, ha neb a omiselha a vydh ughelhes.’

Yndella ytho, peub ahanowgh neb na hepkorro oll y bythow ny yll bos ow dyskybel.

Rag piw ahanowgh, ow mynnes drehevel tour, ny wra esedha kyns oll ha rekna an kost, rag gweles mars eus ganso lowr dh'y gowlwul? Ken, wosa ev dhe worra an sel ha bos heb an galloes dhe worfenna, peub a'n gwel a dhalleth y skornya, ow leverel, “An den ma a dhallathas drehevel, mes ny allas gorfenna.”

Mes pan wredh kevewi, galw an voghosogyon, an evredhyon, an gloppogyon, an dhellyon; ha gwynnvys ty a vydh, rag ny yllons ri attal dhis; rag attal a vydh res dhis yn dasserghyans an re wiryon.’

‘Hoelan yw da; mes mar kollas an hoelan y vlas, gans pandra y fydh ev sawrys? Nyns yw 'vas naneyl dhe'n dor na dhe'n deylek; i a'n tewl dhe-ves. Neb a'n jevo diwskovarn dhe glewes, ev klewes.’