Popular Bible Verses from Luk 17

Share

Hag yn-medh ev dhodho, ‘Sav yn-bann, ha ke; dha fydh re'th sawyas.’

Ha mar pegh ev seythgweyth yn unn jydh er dha bynn ha treylya dhis seythgweyth ow leverel “Edrek a'm beus”, res yw ty dhe ava dhodho.’

Mes onan anedha, ow kweles ev dhe vos sawys, a dhehwelis, ow ri glori dhe Dhuw, ughel y lev; hag ev a goedhas war y fas orth treys Yesu ha grassa dhodho. Samaritan o ev.

Bedhewgh war! Mar pegh dha vroder, gwra y geredhi; ha mar koedh yn edrek, gav dhodho.

Ha Yesu a worthybis ow leverel, ‘A ny veu deg glanhes? Ple'ma'n naw arall?

An Arloedh a leveris, ‘Mara'gas be fydh avel has kedhow, hwi a lavarsewgh dhe'n sykaminwydhenn ma, “Bydh ty diwreydhys ha plynsys y'n mor”, ha gostydh dhis y fia.

Piwpynag a hwillo gwitha y vewnans a'n kyll, mes piwpynag a'n kollo a wra y witha.

Ev a leveris dh'y dhyskyblon, ‘Ny yll bos na dheffo sklanderyow, mes go-ev an den may tons dredho. Gwell via ragdho men-melin dhe vos gorrys a-dro dh'y gonna hag ev dhe vos tewlys y'n mor, kyns ev dhe wul onan a'n re vyghan ma dhe drebuchya.

Ha kepar dell veu yn dydhyow Noy, yn kettella y fydh ynwedh yn dydhyow Mab an den; yth esens ow tybri hag eva, demmedhi ha ri yn demmedhyans, bys y'n jydh mayth eth Noy a-bervedh y'n gorhel, ha'n liv a dheuth ha'ga distrui yn kettep penn.