Popular Bible Verses from ܒܪܝܬܐ 17

Share

ܐܝܼܡܲܢ ܕܗܘܹܐ ܠܹܗ ܐܲܒ݂ܪܵܡ ܬܸܫܥܝܼ ܘܬܫܲܥ ܫܸܢܹ̈ܐ، ܦܝܼܫ ܠܹܗ ܚܸܙܝܵܐ ܡܵܪܝܵܐ ܠܐܲܒ݂ܪܵܡ، ܘܐ݇ܡܝܼܪܹܗ ܐܸܠܹܗ، ”ܐܵܢܵܐ ܝܘܸܢ ܐܲܠܵܗܵܐ ܚܲܝܠܬܵܢܵܐ، ܚܕܘܿܪ ܩܵܕ݇ܡܝܼ ܘܗܘܝܼ ܬܲܡܝܼܡܵܐ.

ܘܫܸܡܘܼܟ݂ ܐ݇ܚܹܪ݇ܢܵܐ ܠܹܐ ܦܵܐܹܫ ܩܸܪܝܵܐ ܐܲܒ݂ܪܵܡ؛ ܐܸܠܵܐ ܒܸܬ ܗܵܘܹܐ ܫܸܡܘܼܟ݂ ܐܲܒ݂ܪܵܗܵܡ، ܣܵܒܵܒ ܒܸܬ ܥܵܒ݂ܕܹܢܘܼܟ݂ ܒܵܒܵܐ ܕܪܵܒܵܐ ܐܸܡܘܵܬܹ̈ܐ.

ܘܒܸܬ ܡܲܬܒܸܢ ܘܲܥܕܝܼ ܒܹܝܠܝܼ ܘܒܹܝܠܘܼܟ݂ ܘܒܹܝܠ ܙܲܪܥܘܼܟ݂ ܡ̣ܢ ܒܵܬ݇ܪ ܡܸܢܘܼܟ݂ ܠܕܵܘܪܲܝܗܝ، ܘܲܥܕܵܐ ܠܥܵܠܲܡ ܠܸܗܘܵܝܵܐ ܐܸܠܘܼܟ݂ ܐܲܠܵܗܵܐ ܘܠܙܲܪܥܘܼܟ݂ ܡ̣ܢ ܒܵܬ݇ܪ ܡܸܢܘܼܟ݂.

”ܗܵܐ ܐܵܗܵܐ ܝܠܹܗ ܘܲܥܕܝܼ ܥܲܡܘܼܟ݂، ܕܒܸܬ ܗܵܘܹܝܬ ܒܵܒܵܐ ܠܪܵܒܵܐ ܐܸܡܘܵܬܹ̈ܐ.

ܐ݇ܡܝܼܪܹܗ ܐܲܠܵܗܵܐ، ”ܠܵܐ، ܐܝܼܢܵܐ ܣܲܪܵܐ ܒܲܟ݂ܬܘܼܟ݂ ܒܸܬ ܗܲܨܠܵܐ ܠܘܼܟ݂ ܒܪܘܿܢܵܐ، ܘܒܸܬ ܩܵܪܹܝܬ ܫܸܡܹܗ ܐܝܼܣܚܵܩ. ܒܸܬ ܫܲܬܐܸܣܸܢ ܘܲܥܕܝܼ ܥܲܡܹܗ، ܘܲܥܕܝܼ ܕܠܥܵܠܲܡ، ܘܠܙܲܪܥܹܗ ܕܡ̣ܢ ܒܵܬ݇ܪ ܡܸܢܹܗ.

ܘܒܸܬ ܝܵܗ݇ܒܹܢ ܐܸܠܘܼܟ݂ ܘܠܙܲܪܥܘܼܟ݂ ܡ̣ܢ ܒܵܬ݇ܪ ܡܸܢܘܼܟ݂ ܐܲܪܥܵܐ ܕܡܵܫܵܚܲܛܘܼܬܘܼܟ݂، ܟܠܵܗ̇ ܐܲܪܥܵܐ ܕܟܢܲܥܢ، ܝܵܪܬܘܼܬܵܐ ܠܥܵܠܲܡ، ܘܒܸܬ ܗܵܘܹܝܢ ܐܸܠܲܝܗܝ ܐܲܠܵܗܵܐ.“

ܘܢܦܝܼܠ ܠܹܗ ܐܲܒ݂ܪܵܗܵܡ ܥܲܠ ܦܵܬܹܗ ܘܓܚܝܼܟ ܠܹܗ، ܘܐ݇ܡܝܼܪܹܗ ܒܠܸܒܹܗ، ”ܒܸܬ ܗܵܘܹܐ ܒܪܘܿܢܵܐ ܠܐ݇ܢܵܫܵܐ ܕܝܼܠܹܗ ܒܲܪ ܐܸܡܵܐܐ ܫܸܢܹ̈ܐ؟ ܘܣܲܪܵܐ ܕܝܼܠܵܗ̇ ܒܲܪ݇ܬ ܬܸܫܥܝܼ ܫܸܢܹ̈ܐ ܒܸܬ ܗܲܨܠܵܐ؟“

ܘܐ݇ܡܝܼܪܹܗ ܐܲܠܵܗܵܐ ܠܐܲܒ݂ܪܵܗܵܡ، ”ܣܲܪܲܝ ܒܲܟ݂ܬܘܼܟ݂، ܐ݇ܚܹܪ݇ܢܵܐ ܠܵܐ ܩܵܪܹܝܬ ܠܹܗ ܫܸܡܘܼܗ̇ ܣܲܪܲܝ، ܐܝܼܢܵܐ ܣܲܪܵܐ ܗܵܘܹܐ ܫܸܡܘܼܗ̇.

ܓܵܙܪܝܼܬܘܿܢ ܒܸܣܪܵܐ ܕܥܘܼܪܠܘܼܬܵܘܟ݂ܘܿܢ، ܘܒܸܬ ܗܵܘܹܐ ܢܝܼܫܲܢܩܵܐ ܕܘܲܥܕܵܐ ܒܹܝܠܝܼ ܘܒܹܝܠܵܘܟ݂ܘܿܢ.

ܐܝܼܢܵܐ ܘܲܥܕܝܼ ܒܸܬ ܗܵܘܹܐ ܥܲܡ ܐܝܼܣܚܵܩ، ܗ̇ܘ ܕܒܸܬ ܗܲܨܠܵܐ ܠܹܗ ܐܸܠܘܼܟ݂ ܣܲܪܵܐ، ܒܐܵܗܵܐ ܥܕܵܢܵܐ ܒܫܹܢ݇ܬܵܐ ܕܒܹܐܬܵܝܵܐ ܝܠܵܗ̇.“

ܟܠ ܐܘܼܪܙܵܐ ܕܝܼܠܹܗ ܒܲܪ ܬܡܵܢܝܵܐ ܝܵܘܡܵܢܹ̈ܐ ܓܵܘܵܘܟ݂ܘܿܢ ܦܵܐܹܫ ܓܙܝܼܪܵܐ؛ ܡ̣ܢ ܕܵܘܪܵܐ ܠܕܵܘܪܵܐ، ܐܸܢ ܒܸܪܝܵܐ ܝܠܹܗ ܓܵܘ ܒܲܝܬܘܼܟ݂، ܝܲܢ ܙܒ݂ܝܼܢܵܐ ܝܠܹܗ ܒܙܘܼܙܵܐ ܡ̣ܢ ܢܘܼܟ݂ܪܵܝܵܐ، ܕܠܹܐ ܝܠܹܗ ܡ̣ܢ ܙܲܪܥܘܼܟ݂. ܦܵܐܹܫ ܓܙܝܼܪܵܐ ܗ̇ܘ ܕܝ݇ܠܝܼܕܵܐ ܝܠܹܗ ܓܵܘ ܒܲܝܬܘܼܟ݂ ܘܗ̇ܘ ܕܦܝܼܫܵܐ ܝܠܹܗ ܙܒ݂ܝܼܢܵܐ ܒܙܘܼܙܵܐ. ܘܗܲܕܟ݂ܵܐ ܒܸܬ ܗܵܘܹܐ ܘܲܥܕܝܼ ܒܒܸܣܪܵܘܟ݂ܘܿܢ، ܘܲܥܕܵܐ ܠܥܵܠܲܡ.