Popular Bible Verses from ܒܪܝܬܐ 26

Share

ܥܡܘܿܪ ܒܐܵܗܵܐ ܐܲܪܥܵܐ، ܘܒܸܬ ܗܵܘܹܝܢ ܥܲܡܘܼܟ݂ ܘܒܸܬ ܒܲܪܟܸܢܘܼܟ݂، ܣܵܒܵܒ ܐܸܠܘܼܟ݂ ܘܠܙܲܪܥܘܼܟ݂ ܒܸܬ ܝܵܗ݇ܒܹܢ ܟܠܲܝܗܝ ܐܲܢܹܐ ܐܲܪ̈ܥܵܬܹܐ، ܘܒܸܬ ܡܲܩܘܸܝܢ ܡܵܘܡܝܼܬܵܐ ܕܝ݇ܡܹܐ ܠܝܼ ܠܐܲܒ݂ܪܵܗܵܡ ܒܵܒܘܼܟ݂.

ܘܒܸܬ ܡܲܦܪܸܝܢ ܠܙܲܪܥܘܼܟ݂ ܐܲܝܟ݂ ܟܵܘܟ݂ܒܹ̈ܐ ܕܫܡܲܝܵܐ، ܘܒܸܬ ܝܵܗ݇ܒܹܢ ܠܙܲܪܥܘܼܟ݂ ܟܠܲܝܗܝ ܐܲܢܹܐ ܐܲܪ̈ܥܵܬܹܐ، ܘܒܙܲܪܥܘܼܟ݂ ܒܸܬ ܦܵܝܫܝܼ ܒܘܼܪܟܹܐ ܟܠܲܝܗܝ ܐܸܡܘܵܬܹ̈ܐ ܕܐܲܪܥܵܐ، ܣܵܒܵܒ ܫܡܝܼܥ ܠܹܗ ܐܲܒ݂ܪܵܗܵܡ ܩܵܠܝܼ، ܘܢܛܝܼܪܹܗ ܗܹܡܸܙܡܵܢܝܼ̈، ܘܦܘܼܩܕܵܢܝܼ̈، ܘܩܵܢܘܿܢܝܼ̈، ܘܢܵܡܘܿܣܝܼ̈.“

ܘܫܘܼܢܹܐ ܠܹܗ ܡ̣ܢ ܬܵܡܵܐ، ܘܚܦܝܼܪܹܗ ܒܹܐܪܵܐ ܐ݇ܚܹܪ݇ܢܵܐ، ܐܝܼܢܵܐ ܠܵܐ ܡܘܼܩܪܸܨ ܠܗܘܿܢ ܥܲܠ ܗ̇ܘ؛ ܘܩܪܹܐ ܠܹܗ ܫܸܡܹܗ ”ܪܚܘܿܒܘܿܬ،“ ܣܵܒܵܒ ܐ݇ܡܝܼܪܹܗ، ”ܐܵܕܝܼܵܐ ܡܘܼܪܘܸܚ ܠܹܗ ܐܸܠܲܢ ܡܵܪܝܵܐ، ܘܒܸܬ ܩܵܢܲܚ ܦܸܪܝܘܼܬܵܐ.“

ܦܝܼܫ ܠܹܗ ܚܸܙܝܵܐ ܐܸܠܹܗ ܡܵܪܝܵܐ، ܘܐ݇ܡܝܼܪܹܗ، ”ܠܵܐ ܨܵܠܹܝܬ ܠܡܸܨܪܹܝܢ؛ ܫܪܝܼ ܒܐܲܪܥܵܐ ܕܐܵܡܪܹܢ ܐܸܠܘܼܟ݂.

ܒܢܹܐ ܠܹܗ ܬܵܡܵܐ ܡܲܕܒܚܵܐ، ܘܩܪܹܐ ܠܹܗ ܒܫܸܡܵܐ ܕܡܵܪܝܵܐ، ܘܢܨܝܼܒ݂ ܠܹܗ ܡܲܫܟܢܹܗ ܬܵܡܵܐ. ܬܵܡܵܐ ܚܦܝܼܪܗܘܿܢ ܪܹ̈ܓܵܘܵܬܹܐ ܕܐܝܼܣܚܵܩ ܒܹܐܪܵܐ.