Popular Bible Verses from ܒܪܝܬܐ 49

Share

ܠܹܐ ܥܵܒܹܪ ܩܲܛܝܼܥܵܐ ܡ̣ܢ ܝܼܗܘܼܕܵܐ، ܘܠܵܐ ܚܘܼܛܪܵܐ ܡ̣ܢ ܒܹܝܠ ܐܲܩܠܵܬܹ̈ܗ، ܗܲܠ ܕܐܵܬܹܐ ܫܝܼܠܘܿܗ، ܘܐܸܠܹܗ ܡܲܨܝܸܬܝܼ ܥܲܡܡܹ̈ܐ.

ܦܲܥܘܵܐ ܝܵܗ݇ܒ݂ܵܢܵܐ ܕܛܥܘܼܢܬܵܐ ܝܠܹܗ ܝܵܘܣܸܦ، ܦܲܥܘܵܐ ܕܝܲܗ݇ܒܸܠ ܛܥܘܼܢܬܵܐ ܒܕܸܦܢܵܐ ܕܥܲܝܢܵܐ؛ ܨܸܒܥܵܬܹ̈ܗ ܒܹܐܣܵܩܵܐ ܒܫܘܼܪܵܐ. ܡܲܪܝܼܪܘܼܬܵܐ ܐܸܠܹܗ ܕܵܪ̈ܝܵܢܹܐ ܕܓܹܐܪܹ̈ܐ، ܘܕܪܹܐ ܠܗܘܿܢ ܓܹܐܪܹ̈ܐ ܒܝܼܹܗ ܘܡܘܼܥܝܸܩ ܠܗܘܿܢ ܐܸܠܹܗ؛

ܐܝܼܢܵܐ ܟܠܹܐ ܠܵܗ̇ ܡܬܝܼܚܬܵܐ ܩܸܫܬܹܗ، ܘܦܝܼܫ ܠܗܘܿܢ ܚܘܼܠܸܢܹܐ ܕܪ̈ܲܥܢܵܢܘܼܗܝ ܒܝܲܕ ܚܲܝܠܬܵܢܵܐ ܕܝܲܥܩܘܿܒ݂، ܒܫܸܡܵܐ ܕܪܵܥܝܵܐ، ܩܵܝܵܐ ܕܝܼܣܪܵܝܹܠ. ܐܲܠܵܗܵܐ ܕܒܵܒܘܼܟ݂، ܗ̇ܘ ܒܸܬ ܗܲܝܸܪܘܼܟ݂؛ ܐܹܝܠ ܫܲܕܲܝ، ܗ̇ܘ ܒܸܬ ܒܲܪܸܟ݂ ܠܘܼܟ݂ ܒܝܲܕ ܒܘܼܪ̈ܟܵܬܹܐ ܕܫܡܲܝܵܐ ܡ̣ܢ ܠܥܸܠܸܠ، ܘܒܝܲܕ ܒܘܼܪ̈ܟܵܬܹܐ ܕܥܘܼܡܩܵܐ ܡ̣ܢ ܠܠܬܸܚܬ، ܘܒܝܲܕ ܒܘܼܪ̈ܟܵܬܹܐ ܕܒܸܙܵܙܹ̈ܐ ܘܕܡܲܪܒܥܵܐ.

ܝܼܗܘܼܕܵܐ، ܐܲܢ݇ܬ ܒܸܬ ܫܲܟܪܝܼ ܠܘܼܟ݂ ܐܲܚܘܿܢܘܵܬܘܼ̈ܟ݂؛ ܐܝܼܕܘܼܟ݂ ܒܸܬ ܗܵܘܝܵܐ ܥܲܠ ܩܕܵܠܵܐ ܕܕܸܫܡܸܢܘܼ̈ܟ݂؛ ܒܢܘܿܢܹ̈ܐ ܕܒܵܒܘܼܟ݂ ܒܸܬ ܡܲܟܸܦܝܼ ܓܵܢܲܝܗܝ ܐܸܠܘܼܟ݂. ܓܘܼܪܝܵܐ ܕܐܲܪܝܵܐ ܝܠܹܗ ܝܼܗܘܼܕܵܐ؛ ܡ̣ܢ ܨܲܝܕܵܐ ܕܝܼܪܘܼܟ݂، ܒܪܘܿܢܝܼ. ܒܪܝܼܟ ܠܹܗ، ܕܡܝܼܟ݂ ܠܹܗ ܐܲܝܟ݂ ܐܲܪܝܵܐ، ܘܐܲܝܟ݂ ܐܲܪܝܝܼܬܵܐ؛ ܡܵܢܝܼ ܒܸܬ ܡܲܩܸܡ ܠܹܗ؟

ܪܐܘܼܒܸܢ، ܐܲܢ݇ܬ ܒܘܼܟ݂ܪܝܼ ܝܘܸܬ، ܚܲܝܠܝܼ، ܘܪܹܫ ܥܘܼܫܢܝܼ، ܥܲܬܝܼܪܵܐ ܒܢܲܨܝܼܚܘܼܬܵܐ، ܘܪܵܒܵܐ ܡܵܪܹܐ ܚܲܝܠܵܐ. ܫܥܝܼܫܵܐ ܐܲܝܟ݂ ܡ̈ܝܼܵܐ، ܠܵܐ ܙܵܝܕܵܐ ܡܝܲܬܪܘܼܬܘܼܟ݂، ܣܵܒܵܒ ܐ݇ܣܝܼܩ ܠܘܼܟ݂ ܥܲܠ ܡܲܕܡܟ݂ܵܐ ܕܒܵܒܘܼܟ݂، ܘܫܚܝܼܡܵܐ ܠܘܼܟ݂؛ ܐ݇ܣܝܼܩ ܠܘܼܟ݂ ܥܲܠ ܫܘܝܼܬܝܼ.