Mag i ẽsap thʉ̃r jorrom ee, Ẽwandam Akharau Felipeeg, —Felipe, bʉ chʉphʉ manaa i ẽkha athá ajim anʉm.
Magbaa chadcha Felipeeu bʉ chʉp mawia, ẽkha aunaa ũrimaawai, Isaías khararrag Ẽwandamau ich iek phãpitarr ẽsapta thʉ̃r jorrom ũrimajim aajem. Mag ũrimawia ich garmua chi Etiopiapierrag, —¿Pua pʉchdeu thʉ̃rmam khaphʉ chirʉ́? a jeeujim anʉm.
Magbaa chi japdeg jorromua, —Õrau maachig jaauju chukhum, ¿jãg maadeu khap abarju? ajim anʉm.
Magwia warag Felipeeg ich japdeg waaidʉpiwia ich dʉi ãba juppijim aajem.