Popular Bible Verses from San Mateo 2

Share

Mag barwia, chi chaai kherarr aar dubnaa ooimaawai, chadcha chi chaaidam ich María dʉi ooimajierram anaabá. Magbaawai ag khĩirphee jĩepor phõbkhanaa i ajaug tho iekhajierram aajem, ich reikhaju igwi. Magnaa amach nem wai beetarr eem phĩr maimua incienso mirra dʉi thũpha khitheem aunaa irig deejierram aajem.

Mag Jesús thaabaawai phobordam Belén anʉm eeta thaabajim aajem, Judea durr. Mag jaar Erodeeta mag Judea durr reikha sĩejim aajem. Ich mag jaar ĩchab khĩirjug khaug athee chi machnaan magonaan anʉm khʉʉn edau obeerjem bi garmua beejierram aajem, Jerusalén phoborog. Makhʉʉn, edjã eem phĩdagta estudiejem khʉʉn ajim aajem. Mag beewi bardʉtkhachewi, judionaanag, —Pãar rey thaabatarr, ¿jamta wai nʉma? I thaababarm jaau sim phĩdag maach daúacha ootarr aawai iita marau jʉr wedurumgui aajeejim anʉm, iita judionaan reikhaju aawai i ajaug tho iekhaan.

Mag amach chi magonaanau chi phĩdag oo athaawai onee aphobaadejim anʉm.

Mag agtha am aig nʉm ee, ich chi Ẽwandam chogau khãai khõrg ee tag amag Erodes gar dichpiba jaautarr aawai, ag garjã dichba, deeum khʉd garta phʉʉrdʉ dichwi amach durrag wetjierram aajem. Mag chi magonaan ereutarr khur Ẽwandam chogau deeu José khãai khõrkhapi auwia irig jaaujim aajem, Erodeeu chaai thõopʉyaag jʉrpiju. “Mamʉ magju nawe phiidʉtkhawi jopkhaa chaai dʉi Egiptoog ereubaadet” ajim anaabá. “Mua jaaubam aig chan oob mammua beemiet” ajim anʉm.