Popular Bible Verses from San Mateo 4

Share

Pari ichig magbaicheewai jũrr ichdeu chi dosãtag, —Ẽwandam iek phã sim gaai jaauwai, “Sĩi thach khoju appai khap amkhĩir irua maach ompaabajim” a sim. “Irua maach ompaatarran, thach appai khĩirjuju khãai, ich ipierraa wenʉrramkhĩirta maach ompaajim” a phã sim a chirajim aajem irig.

Mamʉ mag nʉʉ paawaita Jesuu irig, —Ẽwandam iek phã sim gaai jaauwai, “Pãar Poron Ẽwandamau; ãba irigpaita jeeubat, maimua ãba i iekpaita ipierraa abat” a sim. Magnaa mag sĩebnaa pʉdeu pʉchta jopkhaa mʉ aigmua sĩiubaad a chirajim aajem irua. Mag, bʉ̃ʉrjã i ipierraa abajim anaabá Jesuu.

Magbaawaita jũrr ichdeu chi dosãtag, —Ĩchab Ẽwandam iek phã sim gaai jaauwaijã, “Ẽwandamau chadcha pãach thʉaju awi oob nem parhoob amiet” a sĩebahab a chirajim aajem irua.

Maimua ich Ẽwandam Akharaupai Jesús warp õor chukag chʉʉi warrjim aajem, ich garmua mepeer podju khaphʉ sĩerr aawai juau ogthom mam chi dosãtag ich khũgur auju ẽkhapieg. Mam ich appai cuarenta días y cuarenta noches bʉ̃ʉrjã thach khoba chirajim aajem. Maimua khãai khapan mag dichdimaawaita, i iek i jãsoo aadejim aajem.

Mag oobaimaawai Jesuu amag, —Mʉ dʉi wettarrau ajim anʉm. Ich jãg pãach mʉg sĩi do ʉa gaaipai nʉmjo, mʉg atag jũrr mʉ iek õrag jaau gaaipaita nʉisijugui ajim anʉm amag. Magbaawai amach atarraai phepʉawi chadcha i dʉi ereubaadejim aajem.

Magtarr aigmua Jesuu ich Aai i jajawagmamua, “Pãach khaibag isegwia, Ẽwandamagta chugpaapi jeeubat, maimua irigta ʉdʉraa pãach Porkhapibat” aajeejim aajem õrag.