Popular Bible Verses from SAN JUAN 16

Share

Yʉ jʉgori patowãcaricaro mano, uwiricaro mano mʉjaare to ãmaro. Ati yepapʉ mʉja ca-ano aperã yʉre ca-apiʉjaquẽna maca mʉjaare popiyeyegarãma. To bairo mʉjaare na ca-popiyeyebato quena tʉgooña ocabʉtiya. Ati yepa macana yʉre ca-apiʉjaquẽnare na yʉ ca-neto tʉgawʉ meere, jã ca-ĩiwĩ Jesú.

Cariapena ca-ĩi buioʉ Espíritu Santo ejaʉpʉ caroaro nipetiro cariape ca-aniere buiogʉmi. Nipetiro cʉ̃ ca-buiorije cariape majuu ca-anie ãa. Cʉ̃ majuuna ĩiquetigʉmi. Dio cʉ̃ ca-buio rotirona cʉ̃ ca-apiriquere buiogʉmi. Caberopʉ ca-baipe quenare mʉjaare buio jʉgoyeyegʉmi.

Yʉ ca-rotiro mena, yʉ wame mena Diore cʉ̃ mʉja jeniquetinucu mai. Yucʉacã jeniya yua. To bairo mʉja ca-jeniro mʉja joogʉmi Dio. Mʉjaare cʉ̃ ca-jooro mʉja wariñuu netocõagarã.

Cariapena mʉjaare yʉ ĩi: Mʉjaare ñuubʉjagaro mʉjaare yʉ cá-aáweoro bero. Aáti bero Espíritu Santore mʉjaare yʉ joogʉ. Yʉ cá-aáquẽpata mʉjaare cá-átinemoʉ, mʉja mena ca-anipaʉ atíquetiboʉmi. Cʉ̃ acʉ́pʉ ati yepa macanare, “Caroorã jã ãa,” na ca-ĩi tʉgooña majiparore bairo nare buiogʉmi. Apeye caroa ca-anie macare buiogʉmi. To bairi Dio ati yepa macanare caroorije na cá-átaje wapa nare cʉ̃ ca-popiyeyepere na majiogʉmi Espíritu Santo.

To bairo cõ ca-bairore bairona mʉja quena popiye majuu mʉja tʉgooñarique pai yucʉacãre. Cabero mʉjaare yʉ tʉjʉ atígʉ tunu. To bairo yʉ ca-tunu tʉjʉ ejaro tʉjʉrã mʉja wariñuu netogarã. Ca-ani wariñuu netorã aniri aperã maca mʉja ca-tʉgooñarique pairo áti majiquetigarãma yua. To bairo ani wariñuucõari mʉja ca-api majiquẽtiere yʉre mʉja jeniñaquetigarã yua. Cariapena mʉjaare yʉ ĩi. Nipetirije yʉ ca-rotiro mena, yʉ wame mena mʉja ca-jeniro yʉ Pacʉ mʉjaare joogʉmi.

Cariapena mʉjaare yʉ buio: Seeto majuu oti, mʉja tʉgooñarique paigarã. Ati yepa macana yʉre ca-apiʉjaquẽna maca wariñuugarãma. Seeto mʉja ca-tʉgooñarique pairicaro bero mʉja wariñuurique cʉti wajoagarã.