Popular Bible Verses from SAN JUAN 3

Share

’Dio ati yepa macanare seeto maii cʉ̃ Macʉ jicãʉna ca-ãcʉ̃re cʉ̃ ca-jooyupi. To bairo cʉ̃ cá-áto noa una cʉ̃ Macʉre ca-nʉcʉbʉgorã yajiquetigarãma popiye tamuorica paʉpʉre. Cʉ̃ mena anicõa aninucugarãma.

Dio ati yepa macanare cʉ̃ popiyeyeato ĩi mee ca-jooyupi cʉ̃ Macʉre. Nare yʉ netoogʉ ĩi cʉ̃ ca-jooyupi Dio cʉ̃ Macʉre ati yepapʉre.

To bairo cʉ̃ ca-ĩiro oco bairo cʉ̃ ca-ĩiwĩ Jesú: —Cariapena mʉ yʉ ĩi. Noo ca-ãcʉ̃ nemoopʉ cʉ̃ ca-buia jʉgoricarore bairona cʉ̃ ca-buianemoquẽpata Ʉpaʉ Dio cʉ̃ ca-anopʉ aá majiquetigʉmi, cʉ̃ ca-ĩiwĩ Jesú.

Cʉ̃ Macʉre ca-nʉcʉbʉgorãre na popiyeyequetigʉmi Dio. Cʉ̃ Macʉ jicãʉna ca-ãcʉ̃re ca-nʉcʉbʉgoquẽna macare, “Yʉ ca-popiyeyeparã ãma,” ca-ĩi tʉgayupi Dio, meere.

Cʉ̃re ca-nʉcʉbʉgoquẽna cʉ̃ ca-popiyeyeparã ani tʉgama. Oco bairo ãa: Jesucristo jĩa bujuricarore bairo ca-ãcʉ̃ cʉ̃ cá-ató cʉ̃ ca-booquẽjupa camaja. Rooro átaje macare boo netobana ca-naitĩaropʉ ca-ãnare bairo ca-tuayupa.

Cʉ̃ maca yʉ netoro ca-ãcʉ̃ ani nutuagʉmi Jesú. Yʉ maca cawatoa macacʉ yʉ anicõagʉ, ca-ĩiwĩ Juan cʉ̃ buerãre.

Nipetirã caroorije cá-ána Dio Macʉ mena anigaquẽema, caroorije jã cá-átinucurijere tʉjooquẽcʉmi ĩirã. Cʉ̃ mena macana anigaquẽema, caroorije na cá-átinucurijere mairã.

Cʉ̃ Macʉre ca-nʉcʉbʉgorã catícõa aninucugarãma. Cʉ̃re ca-nʉcʉbʉgoquẽna maca catícõa aniquetigarãma. Seeto na popiyeyegʉmi Dio to bairo cʉ̃ Macʉre ca-nʉcʉbʉgoquẽnare.

’Tirʉmʉpʉ yucʉ ca-manopʉ Moisé añare bairo ca-bauʉ cʉ̃ ca-wericʉre yucʉpʉ cʉ̃ ca-nʉcoñupi. Moisé aña cʉ̃ ca-wericʉre cʉ̃ cá-átatore bairona camaja yucʉpʉ yʉ nʉcogarãma yʉ quenare.

Cʉ̃ Macʉre mairi, “Nipetirijere ca-rotii mʉ anicõagʉ,” cʉ̃ ca-ĩiñupi Dio.