Popular Bible Verses from SAN LUCAS 19

Share

To bairi ca-yajiricarãre bairo ca-ãna Diore ca-tʉgooñaquẽnare na macaʉ acʉ́ yʉ cá-apʉ́ ati yepapʉre. Na maca bʉga, na yʉ netoo catíogʉ, ca-ĩiñupʉ Jesú.

Oco bairo ca-ĩi awaja wariñuuñuparã: —¡Caroaro to baiato mani Ʉpaʉre, Dio cʉ̃ ca-jooricʉre! ¡Wariñuurique to ani neto majuucõato ʉmʉrecóopʉre! ¡Camaja nipetirã Diore na nʉcʉbʉgoato! ca-ĩiñuparã.

To bairo cʉ̃ ca-ĩiro: —Yucʉ ati wii macanare mʉjaare netoo catíomi Dio caroorije mʉja cá-átibatajere. Mʉ quena Abraham pãramerã mena macacʉna mʉ ãa.

Topʉ cʉ̃ ca-pejaro ca-ejayupʉ Jesú cʉ̃ ca-pejari paʉ ẽoro majuu. Eja, Saqueore cʉ̃ ca-tʉjʉ mʉgoñupʉ. Cʉ̃ tʉjʉ mʉgo: —Saqueo, yoaro mee rui ajá. Yucʉ mʉ ya wiipʉ yʉ anigʉ, cʉ̃ ca-ĩiñupʉ Jesú. To bairo cʉ̃ ca-ĩiro apii Saqueo yoaro mee wariñuurique mena Jesúre cʉ̃ ca-bocaʉ rui ajupʉ. Rui atí, Saqueo cʉ̃ ya wiipʉ cʉ̃ ca-jʉgo aájupʉ Jesúre.

Saqueo maca wamʉnʉcari oco bairo mani Ʉpaʉ Jesúre cʉ̃ ca-ĩiñupʉ: —Ʉpaʉ, yʉ ca-cʉgorije apeye uniere ca-bopacoorãre na yʉ ricawo nunigʉ ca-recomacare. Aperã yere na ĩitori yʉ majuuna yʉ ca-jeewʉ. To bairi ĩitori na yʉ ca-emaricaro netobʉjaro na yʉ tunuogʉ. Jicã tii niyeru tiire na ĩitori yʉ ca-emaricaro bero to ca-ãmata bapari canacã tii macare na yʉ tunuogʉ, Jesúre cʉ̃ ca-ĩiñupʉ Saqueo.

Na ca-awajarijere apirã jicãarã fariseo maja topʉ ca-ãna oco bairo Jesúre cʉ̃ ca-ĩiñuparã: —Ca-majioʉ, mʉre ca-ʉjarãre, “Ĩi awajaqueticõaña,” na ĩiña. To bairo na ca-ĩiro: —Ati maja na ca-janaata atie ʉ̃taa rupaarena yʉre to ca-awaja wariñuupere rotiboʉmi Dio, na ca-ĩiñupʉ Jesú fariseo majare.