Popular Bible Verses from SAN LUCAS 2

Share

Ati ñami David ãnacʉ ya macapʉre buiami Dio cʉ̃ ca-joʉ Cristo, mani Ʉpaʉ, mʉjaare ca-netoo catíopaʉ.

To bairo na ca-bairo ángel maca: —Uwiqueticõaña, na ca-ĩiñupʉ. —Caroa quetire mʉja buio acʉ́ yʉ baiwʉ, camaja nipetirã na ca-wariñuupa wame majuure.

¡Ca-ñuu netoʉ ãmi Dio, ʉmʉrecóo macacʉ! ¡Wariñuurique cʉ̃ joato noa cʉ̃ ca-boorijere cá-ánare!

Atie bero Jesú ca-bʉtinemoñupʉ. Bʉti, ca-tʉgooña majii bʉtinemoñupʉ. Dio caroaro cʉ̃ ca-tʉjʉ wariñuuñupʉ. Camaja quena caroaro cʉ̃ ca-tʉgooñañuparã.

Topʉ aána wecʉa wiipʉ camaja wecʉare na ca-ʉgarique nuuri coropʉ juti ajero mena umaricʉ cʉ̃ mʉja bʉgagarã. To bairo átacʉre cʉ̃ tʉjʉrã cariapena, “Cʉ̃na ãmi,” mʉja ĩi majigarã, na ca-ĩiñupʉ ángel.

Belén maca tʉacã tataboaropʉ waibʉcʉrã oveja ca-wamecʉnare ca-coterã ca-añuparã. Ñami quena ovejare to bairona ca-tʉjʉ cote bujucoanucuñuparã. To bairo na ca-bairo na ca-tʉgooñaqueti paʉna na tʉpʉre ca-buia ejayupʉ ángel, Dio tʉ macacʉ.