Popular Bible Verses from SAN LUCAS 24

Share

Mʉjaare yʉ joogʉ yʉ Pacʉ cʉ̃ ca-ĩi majio cũuricarore bairona mʉja mena ca-anipaʉre, Dio Espíritu Santore. Jerusalén'pʉ yuuya mai. Espíritu Santo rui ejaʉ tutuariquere mʉja joogʉmi. Mʉjaare cʉ̃ ca-jooro beropʉ mʉja buio teñara aágarã yua, na ca-ĩiñupʉ Jesú.

Maami atore. Meere, tunu catícoami. Tʉgooñaña Galileapʉ ãcʉ̃ mʉjaare cʉ̃ ca-ĩriquere.

Nare cʉ̃ ca-pee bate nuniri paʉna to cõona, “Jesúna ãmi,” cʉ̃ ca-ĩi tʉjʉ majicõañuparã. To cõona Jesú ca-bauqueticõa atʉ aájupʉ yua. Cʉ̃ ca-bairo bero: —Maapʉ manire cʉ̃ ca-buioro, “Oco bairo ĩigaro ĩi Dio ye queti ucarica pũuri,” manire cʉ̃ ca-buioro mani yeripʉ caroaro mani ca-tʉgooña wariñuuwʉ manire cʉ̃ ca-buiorijere apirã, ca-ame ĩiñuparã.

—Oco bairo ĩi ucarique ca-ãmʉ yʉre: “Dio cʉ̃ ca-jooricʉ majuu jĩa ecoogʉmi. Cʉ̃ ca-bai yajiro itia rʉmʉ bero tunu catígʉmi tunu. To bairi cʉ̃ ca-rotiro atie caroa quetire ca-buio majiope ãa aperã nipetiropʉ macanare. Jerusalén'pʉ tiere ca-buio jʉgope ãa, cabero nipetiro macanare ca-buiope anigaro. Na buiorã oco bairo na ĩi buiogarãma: ‘Caroorije mʉja cá-átajere mʉja ca-tʉgooñarique pai jʉtiritiata mʉja majiriogʉmi Dio,’ ĩi buiogarãma,” ca-ĩi ucayupa na ãnana, na ca-ĩiñupʉ Jesú.

Ti paʉpʉ ejarã ʉ̃taa ti opere na ca-cũu bipebataca ne wooricaro ca-ano ca-tʉjʉyuparã. Ne wooricaro ca-ano tʉjʉrã ca-neto jãabajuparã, Jesú rupaʉ ãnatore na ca-peorica paʉpʉre tʉjʉrã aána. Topʉ na ca-peoricaropʉre na ca-tʉjʉata mani Ʉpaʉ Jesú rupaʉ ãnato ca-maañupe.