Ĩ ejaja ticõri, ado bajiro yiyijʉ Jesús:
—Tʉoya rʉ̃mʉ́ mʉ. Ãnire ĩ ya ʉsijʉ ñagʉ̃ budiya mʉ, yiyijʉ Jesús rʉ̃mʉ́re.
Ito ĩ yijare:
—Jesús, Dios Macʉ ña mʉáma. ¿Yʉre no bajiro yigʉ yigʉjada mʉ? Dios yʉre tiro riojo bʉsia yʉ. Yʉre juniro yibesa mʉ, yi josayijʉ ĩ Jesure.
Ito ĩ yiroca ado bajiro yiyijʉ Jesús ĩre:
—¿Ñe wame cʉtiati mʉ? yiyijʉ Jesús.
Ito ĩ yija:
—Jãjarã wame cʉtia yʉ, jãjarã rʉ̃mʉ́a gʉa ñajare.