Popular Bible Verses from GENESIS 11

Share

Áko Bóhólníihii ádííniid, Shoo, diné t'ááłá'í danilį́, áádóó saad t'ááłá'íígíí yee yádaałti', áko díí yaa nídiikai lá, áádóó ha'át'íhígíida deinízingo doo ch'ééh ádeidooł'įįł da lá. Haa'íshą' hatahjį' bidadiikah, áko hats'ą́ą́' hazaad ał'ąą át'éego bee yádajiłti'go doo ałk'idazh'diitįįh da dooleeł.

Áko ánáádazhdoo'niid, Haa'íshą' kin haal'áago áádóó kin wót'ááh yí'áago yá bich'į' niní'áago ádadiilnííł, kót'éego yízhí ayóó át'éii bee nihi'dójíigo ádadiilnííł, áko nahasdzáán bikáa'gi doo da'níłts'ą́ą́'góó nihiidiildah da.

Áko Béíbel hoosye', háálá Bóhólníihii ákwii hazaad ał'ąą át'éego bee yádajiłti'go áhoolaa, áádóó Bóhólníihii éí nahasdzáán bikáá' da'níłts'ą́ą́'góó tadzooskaigo áhoolaa.

Áko nahasdzáán t'áá si'ą́ą́ nít'éé' bikáa'gi saad bee yádajiłti'ígíí t'ááłá'í nít'éé'.

Áko Bóhólníihii éí diné ba'áłchíní éí kin haal'áii índa kin wót'ááh yí'áii yindaash'nishígíí jidínóoł'įįł biniyé hadahojííle'.

Áko Bóhólníihii éí nahasdzáán bikáá' da'níłts'ą́ą́'góó tadzooskaigo áhoolaa, áko kin haal'áago ádajilééh yę́ę t'óó bik'izdeeskai.