Popular Bible Verses from GENESIS 17

Share

Áko Éíbram náhást'édiindóó ba'aan náhást'éí binááhaigo Bóhólníihii bich'į' yit'íní í'diilyaago ádííniid, Diyin God Aláahgo Ayóó'ábóodziilii nishłį́; shinááł naniná áádóó t'áadoo bee nik'íhót'ahígóó hiníná.

Éíbram éí doo néinílyée da doo, Éíbraham yinílyée doo, háálá ał'ąą dine'é t'óó ahayóí bizhé'é ániishłaa.

Índa bohoníłdzilgo nił aha'di'deesht'ááł áádóó na'áłchíní náás da'ahílchíihii ałdó' éí hool'áágóó bee aha'deet'ą́ą doo, áko ni áádóó na'áłchíní náás da'ahílchíihii ałdó' bił nihiDiyin God nishłį́į doo.

Shoo, shí nił aha'di'nisht'ą́, áko ał'ąą dine'é t'óó ahayóí bizhé'é nílį́į doo.

Nidi Diyin God ádííniid, Sárah ne'asdzą́ą́ t'áá aaníí niye' ná yidoołchííł; Áízak bee yidíízhiił. Áko ha'áłchíní náás da'ahílchíihii t'áá hóóltą'go hool'áágóó bohoníłdzilgo shibee aha'deet'áanii há át'éego bee nihodeesh'ááł.

Áádóó dé'éyóní nílį́įgo kéyah biyi' kééhót'ínígíí naa dideesh'ááł; Kéínan kéyah t'áá át'éé nít'éé' áádóó na'áłchíní náás da'ahílchíihii hool'áágóó daabíí' dooleeł, áádóó biDiyin God nishłį́į doo.

Áko Éíbraham tsé'yaa jineeshjool áádóó aníjídlohgo t'áá hajéí biyi'ídi ázhdííniid, Da' neeznádiin honááhaigoósh há adoochííł? Da' Sárah daats'í náhást'édiin binááhaigo adoołchííł?

Áko Diyin God éí Éíbraham áyidííniid, Jó, Sérai ne'asdzą́ą́ éí Sérai doo nááhodidíí'niił da; k'ad éí Sárah bee hwíínízhíi doo.

Nihí bąąh náhinilgishí bílátahgi nihá nahjį' adahalgéesh doo, áko bee ééhózingo bee aha'deet'áanii bee nihił aha'di'nisht'ą́ą doo.

Nidi bohoníłdzilgo Áízak t'éiyá bił aha'di'deesht'ááł; éí kodóó ła' nááhaigo Sárah ná yidoołchííł.

Nihitahgi ła' ho'dizhchį́į́dóó tseebíí hwiiłkáahgo hąąh náhinilgish doo; nihighangi nidahachíhígíí áádóó náánáłahdę́ę́' yigáałii béeso bik'é nihíníláii ałdó' diné t'áá ałtso bada'áłchíní náás da'ahílchííhgóó ákót'ée doo. Nighan biyi' yizhchíinii áádóó nibéeso bik'é nihíníláii ałdó' díí ts'ídá bąąh nídahinołgish doo, áko shibee aha'deet'áanii nihits'íís t'ah hólǫ́ǫgo hool'áágóó nihił aha'di'nisht'ą́ą doo.