Popular Bible Verses from GENESIS 39

Share

Áko Jóseph éí Bóhólníihii bił hólǫ́, áádóó diné bohónéedzáanii dzizlį́į́', áko Ííjip diné honanit'a'í nilíinii bighan góne' kééhojit'į́į́ nít'éé'.

Jit'ínígíí t'áá ałtso bee Jóseph bíhojoos'níí', áko doo baa nitsídzíkees da; t'áá hazhó'ó jidooyį́įłii t'éiyá. Jóseph éí diné bíiyisii nilį́ áádóó baa dzólní.

Áko awáalyaaí yaa áhályáanii awáalyaa naazhjé'ígíí t'áá ałtso yee Jóseph yíhoos'níí'; ákwii yaa naakaígíí t'áá ałtso hó hak'ehgo baa na'aldeeh nít'éé'.

Áko Jóseph hananit'a'í hoł dah dii'áazhgo aláahgo naat'áanii bi'awáalyaaí shijé'é góne' yah ahóółt'e'; ákwe'é awáalyaa dzizdá. Nidi Bóhólníihii éí Jóseph yił hólǫ́ǫgo yaa a'áhí nízin, índa awáalyaaí yaa áhályáanii bił jílį́įgo áhoolaa.

Ákódzaadóó bik'ijį' Jóseph hananit'a'í be'asdzą́ą́ hadánoos'níi'go áhodííniid, Shił níteesh. Nidi doo íiznízingóó hananit'a'í be'asdzą́ą́ ábizhdííniid, Shoo, shinanit'a'í bighan góne' hólóonii baa áháshyáanii doo yaa nitsíkees da, áádóó bee hólóonii t'áá ałtso yee shíhoos'níí'. Díí kin biyi' doo ła' shiláahgo ájít'éhí da, índa t'áadoo shąąh yi'íní da, t'áá hazhó'ó ni t'éiyá, háálá be'asdzą́ą́ nílį́. Áko ha'át'éegoshą' díí ts'ídá doo yá'áshónígi ádeeshnííł, áádóó ałdó' Diyin God bich'į' ádił adeesih?

Łah Jóseph náázhdeesh'nishgo wóne'é yah ajííyáago kindóó diné doo ła' ákóne' naagháa da. Áko ha'éé' yąąh dah neeshjį́įdgo, Shił níteesh, hałní áádóó ha'éé' t'áá ákǫ́ǫ́ dah yoołtsosgo tł'óó'góó ch'íjílwod.