Popular Bible Verses from JOHN 12

Share

Diné t'áá háiida ła' shá nijil'a'ígíí, éí ts'ídá shikéé' joogáał doo, áko naasháhídi shinaal'a'í jílíinii ałdó' áadi nijigháa doo; diné t'áá háiida ła' shá nijil'a'go, t'áá éí shiTaa' bił jílį́į doo.

T'áá háiida iiná hwii' hólónígíí ayóó'ájó'níigo éí yóó'azhdootłish, áádóó t'áá háiida díí nahasdzáán bikáa'gi iiná hwii' hólónígíí jijoołáago t'áá éí doo yóó'azhdootłish da, nidi hool'áágóó hwee hólǫ́ǫgo bee jiináa doo.

T'áá aaníí, t'áá aaníígóó ánihidishní, Tł'oh naadą́ą́' bílástsii' doo łeeh yilts'idgóó áádóó doo daaztsą́ą́góogo éí doo bilááh yileeh da, nidi daatsaahgo bineest'ą' t'óó ahayóí yileeh.

Shí adinídíín nishłį́įgo nahasdzáán bikáa'jį' níyá, áko shoodlą́ągo shaa dzólíhígíí doo chahałheeł yii' naagháa da doo.

Diné ła'da shizaad yidiits'a'go doo yoodlą́ą́góó, éí doo baa nídéesht'įįł da, háálá nihokáá' dine'é doo baa nídéesht'įįł biniyé níyáa da, nidi yisdádeeshnił biniyé níyá.

Mary éí ch'il nard wolyéii bee ak'ah ályaii, t'áá bízhání t'áá íiyisí ílínígíí t'ááłáhídi dah hidédlo'go dashdiiką́ągo Jesus bikee' bikáa'jį' yadziiziidgo hatsii' bee bikee' jíít'óód, áko kin góne' t'áá át'é ak'ah łikání halchingo hadéébįįd.

Áko páam bi'iil dayiizti' áádóó hadááh yíkaigo hadadeeshghaazhgo ádaaní, Baa ha'niih doo! Bóhólníihii bízhi' bee bi'dójíigo yigáłígíí, Ízrel dine'é Aláahgo biNanit'a'í nilíinii, bik'ihojidlíi doo!

Áko Jesus haadzíi'go ání, K'ad Diné Silį́į'ii ayóó át'éii ádoolníiłgo baa hoolzhiizh.