Popular Bible Verses from JOHN 19

Share

Áko Jesus ch'il na'atł'o'ii bitoo' dók'ǫ́zhígíí dzizlįhgo ázhdííniid, K'ad lá ałtso bíighah azlį́į' ni, áádóó yaa ádziidzaago hwii' sizíinii ninázhdiní'ą́.

Kódzaadóó bik'ijį' há nihoot'áanii ałtso bíighah azlį́'ígíí hoł bééhózingo, Diyin God bizaad bee ak'e'ashchínígíí bohodoolnííł biniyé ázhdííniid, Dibáá' sélį́į́'.

Áko Jesus hamá jiiłtsą́ągo, áádóó hóhooł'aahii ayóó'ájó'nínígíí hamá yíighahgi sizį́įgo, hamá ábizhdííniid, Asdzání, jó, eii niyáázh! Áádóó hóhooł'aahii ánáábizhdoo'niid, Jó, eii nimá! Éí áádóó íhooł'aahii jílíinii t'áá hó haghangóó bił níjít'áázh.

nidi Jesus baa jíkai, nít'éé' t'áá íídą́ą́' daaztsą́ą́ lágo hoł béédahoozin, áko t'áadoo bijáád dadziizti' da. Nidi siláo ła' tsiidétáán hooshk'iizh góne' yaa ayííłgeed, t'áá áko áádę́ę́' dił tó bił háána'.

Bits'in doo ła' k'í'dooltǫǫł da, níigo Diyin God bizaad bee ak'e'ashchínígíí bohodoolnííł biniyé díí t'áá ałtso ákódzaa. Índa náánáłahgo ałdó' Diyin God bizaad bee ak'e'ashchíinii ánáádí'ní, Baa ada'jishiizhígíí dazhníł'į́į doo.

Áko Jesus t'áá hó hatsin ałnáoszid jootį́įłgo kintahdóó Tsiits'in Si'ání hoolyéégóó hoł dah adiildee', éí Hííbrew k'ehjí Gálgatha hoolyé.

Áádóó siláo ch'il hooshahii nídeiniisxodgo, ch'ah ádayiilaago hak'i deideez'ą́, índa éénééz tsídídééh nahalingo łichí'ígíí yiih dahastį́