Popular Bible Verses from JOHN 4

Share

Diyin God éí Níłch'i jílį́, áko hach'į' nidahałáii éí ts'ídá níłch'i ii' sizíinii yee áádóó t'áá aaníinii yee hach'į' nidahałáa dooleeł.

Áko bich'į' hoolzhish, áádóó k'ad nidi baa hoolzhiizh, t'áá aaníígóó nidahałáii éí níłch'i ii' sizíinii yee áádóó t'áá aaníinii yee aTaa' yich'į' nidahałáa dooleeł, háálá ákót'éego aTaa' bich'į' nidahałáa dooleełígíí haintá.

nidi t'áá háiida tó baa níką́ągo yoodlą́'ígíí éí doo dibáá' náádoodleeł da, áko tó haa deeshkáłígíí éí hayi'di tó t'áá bíni'dii háálíinii dooleeł, áko háálį́įgo iiná doo ninít'i'ii biih yílį́į dooleeł.

Jesus hach'į' hanáánáádzíi'go áhodííniid, Diyin God einíláhígíí áádóó, Tó ła' shaa níkaah, niłnínígíí bééhonísingo bídíí'níkeedgo, tó hináanii neidookááł nít'éé'.

Jesus áhodííniid, Shiníł'a'ii yee íinízinii binaashnishgo ła'yishłéhígíí, éí shich'iyą' át'é.

Áko asdzání ánááhodoo'niid, Kwá'ásiní, jó, t'áadoo bee tó haóleehí da, áádóó tóhahadleeh góyaa hózaad, háádę́ę'shą' áko tó hináanii shóidííłt'eeł?

Nít'éé' asdzání ánááhodoo'niid, Mesáíyah, Christ joolyéhígíí lá jígháahgo shił bééhózin ni, áko jiníyáago t'áá ałtsoní bee nihił hozhdoolnih. Áko Jesus ánááhodoo'niid, Shí nich'į' yáshti'ígíí éí ásht'į́.

Tį', diné léi' áát'įįdii ałtso yee shił náhoolne'ígíí deidoołtsééł. Éí daats'í Christ át'į́?