Popular Bible Verses from LUKE 12

Share

Éí bąą nihí ałdó' hasht'e'áda'díínółzin, háálá Diné Silį́į'ii doo nidayínóhłíi da yę́ęgi hoolzhishgo doogááł.

Nidi bee bóhólníihgo bił haz'áanii hádaaht'į́, áko éidí t'áá ałtso nihá bíidoolyééł.

Áádóó ánáábizhdoo'niid, Ádaa ádahołyą́, t'áadoo ha'át'íhída bidádanoołníní, háálá diné t'áadoo le'é jit'íinii éí doo íiyisí bee jiináanii át'ée da.

Háálá nihinaalye'é siláadi, t'áá ákwii ałdó' nihijéí hólǫ́ǫ doo.

Áádóó nihí ła' ádił náhodołchiłgo hinohnánígíí t'įįhdígoósh bilááh ádoohłíiłgo bínooł'ą́?

Áádóó hódahooł'aahii ábizhdííniid, Éí bąą ánihidishní, Ha'át'íí lá deeshį́į́ł lá? doodaii', Ha'át'íí lá bee hadideeshnííł lá? t'áadoo danohsingo bee dahinohnáa dooleełígíí bíká ádił nídahodołchiłí.

Jó, nihitsii' t'ááłá'í níláhígo nidi ałtso dayéélta'. Éí bąą t'áadoo nídaałdzidí; tsídiiłbáhí t'óó ahayóí nidi biláahgo da'nohłį́.

Shidibé ch'į́dí danohłíinii, t'áadoo nídaałdzidí, háálá nihiTaa' bił hóshǫ́ǫgo bee bóhólníihgo bił haz'áanii nihaididoo'ááł.

Gáagii bee nitsídaahkees: éí doo k'ééda'didléeh da, doo nidi nída'agish da, kin bii' nooh nída'achíihii doo bee dahólǫ́ǫ da, ákondi Diyin God ba'ałtso'. Dooládó' tsídii biláahgo da'nohłį́į da lá!

Dadoohsį́įłii índa dadoohdlį́įłii t'áadoo bíká ádił nídahodołchiłgo hádaaht'íní.

Nidi Diyin God nihokáá'góó ch'ilígíí díí jį́ nidanise'go áádóó yiską́ągo konk'eh góne' ahidoolkałígíí nidi nizhónígo haidósingo, t'įįhdígo da'iinohdláanii, dooládó' éidíígíí biláahgo hadadinoht'éego ánihósin da lá!

Nidi t'óó bił ída'ít'éhígíí t'áá ałtso dadoo'nih, áádóó nidanil'inígíí t'áá ałtso béédahodoozįįł.