Popular Bible Verses from LUKE 19

Share

Háálá Diné Silį́į'ii éí yóó'adahaaskaígíí haidínóotaałgo áádóó yisdánéidiyoo'niłgo yiniyé níyá.

áko ádaaní, Aláahgo Naat'áanii, Bóhólníihii bízhi' bee bi'dójíigo yigáłígíí bik'ihojidlíi doo! Yá'ąąshdi hózhǫ́ǫ doo, índa aghánáhóó'áadi ni'deezlíid doo!

Nít'éé' Jesus áhodííniid, Díí jį́ bee yisdá'iildéehii díí hooghanígi hazlį́į́', jó, éí ałdó' Éíbraham bits'ą́ą́dóó oochíiłii ła' jílį́.

Áko Jesus ákwii yigáałgo dego honééł'į́į'go áhodííniid, Zakíyas, tsxį́įłgo hadaninááh, háálá díí jį́ nighandi sédáa dooleeł. Áko tsxį́įłgo hadajííyá, áádóó baazhníyáago bąą hoł hóózhǫǫd.

Nít'éé' Zakíyas yiizį'go Bóhólníihii áyidííniid, Jó'akon, Bóhólníihii, shinaalye'é ałníí'dóó badahojoobá'íígíí bitaa deeshnih, áádóó diné ła' t'áá ádzaagóó t'áadoo le'é bee bida'délo'ii, éí dį́įdi ahą́ą́h nániiláago baa náhideesh'nił.

Áko diné yíl'áhígíí bitahdę́ę́' Férisii danilíinii ła' ádahodííniid, Na'nitiní, nikéé' nidaakaígíí t'áadoo ádadohníní, bidiní. Áko haadzíi'go ání, Ánihidishní, Azhą́ díí dadiiłheel nidi, tsé nidi hadadidoolwosh.