Popular Bible Verses from LUKE 2

Share

háálá díí jį́ David bikin haal'áhígi Yisdá'iiníiłii nihá yizhchį́, éí Christ Bóhólníihii nilį́.

Áádóó diyingo naal'a'í áhodííniid, T'áadoo nídaałdzidí, háálá jó'akon, hane' yá'át'éehii t'áá íiyisí ił hóshóonii bee nihił hodeeshnih, áko éí diné t'áá ałtso bá dooleeł

Aghánáhóó'áágóó Diyin God baa ha'niih, índa nahasdzáán bikáa'gi diné éí Diyin God yaa bił dahózhónígíí bich'į' hózhǫ́ náhásdlį́į́'!

Áádóó Jesus hojíyą́ jooleeł áádóó jinoosééł, áádóó Diyin God índa diné bił jílį́ jooleeł.

Áko díí bee nihich'į' ééhózin doo: na'at'ą́hí łigaii éí awéé' bił yisdisgo béégashii yii' nída'alchoshígíí yii' sitį́įgo deidoołtsééł.

T'áá éí kéyah haz'ą́ągi nida'niłkaadii tł'ée'go dibé yaa ádahalyą́. Nít'éé' Bóhólníihii bidiyingo naal'a'í hak'i hoole'go Bóhólníihii bits'ádi'nílíidii bee hanaagóó i'díídláád, áko t'áá íiyisí nídadzisdzííd.