Popular Bible Verses from LUKE 21

Share

Éí bąą t'áá áłahjį' hada'ísídół'į́į́' índa sodadołzin, éí danihidziilgo ádanihi'di'doolníiłgo díí ádahodooníłígíí t'áá ałtso bits'ąą dadoohdzih índa Diné Silį́į'ii bidááhdę́ę́' deidoohsįįł biniyé.

Nidi nihí ádaa ádahołyą́, áko ádił ná'ahanaad áádóó na'adlą' índa díí k'ad iiná bida'diił'áhígíí doo nihijéí bii' daahéeł da doo, áko éí bijį́ doo t'áadoo hooyání bił nihaa hodoolzhish da.

Hada'íínółnínígíí binahjį' dadoohdzih.

háálá saad índa bee hódzáanii nihaa dadideesh'ááł, éí nihits'ą́ą́jí danilíinii t'áá ałtso doo yídaneel'ą́ą da doo, índa yich'į' doo hadaodziih ádaat'ée da doo.

Yádiłhił índa nahasdzáán bił yóó'ahodoogááł, nidi shizaad t'éiyá doo bił yóó'ahodoogáał da.

Jį́honaa'éí áádóó tł'éhonaa'éí índa sǫ' bee éédahózingo deidooltsééł, índa nihokáá' dine'é t'áá íiyisí bich'į' nidahwii'náa dooleeł, tónteel índa tó bíígháán náádadiidáhígíí dadiits'a'go biniinaa t'óó hoł dahalą́ą doo. Yéé' bik'ee índa nahasdzáán bikáa'gi báhádzidii nawólníinii bik'ee háni' áńdaadįįh doo, háálá yá'ąąshdi bee dahółdzilii dadoogał. Ákohgo índa Diné Silį́į'ii k'os bił yildohgo áádóó bee adziil índa ayóó át'é ats'ádi'nílííd yił yigáałgo deizdoołtsééł.

shízhi' biniinaa diné t'áá ałtso nihik'ee dadiniih dooleeł.

áko łahgóó ayóó át'éego ni' nídahidi'náah doo, áádóó nídahodichįįh áádóó nidahałniih doo, índa yá'ąąshdę́ę́' bik'eda'íyée'ii índa bee éédahózinii ayóó ádaat'éii nídeiltséeh dooleeł.

Anaa' dahólǫ́ǫgo índa hahóó'áago dadoohts'a'go, éí t'áadoo bik'ee nihił daayé'í, háálá díí áłtsé ts'ídá ádadoonííł, nidi nihodoogáłígíí éí doo t'áá hooshch'į' ádooníił da. Ákohgo ábizhdííniid, Ał'ąą dine'é ałch'į' nídahidiibáah dooleeł, áádóó łahgo nihokáá' bee bóhólníihgo bił haz'áanii índa náánáła' nihokáá' bee bínááhólníihgo bił nááhást'áanii yił ałch'į' nídahidiibáah dooleeł

Jį́honaa'éí áádóó tł'éhonaa'éí índa sǫ' bee éédahózingo deidooltsééł, índa nihokáá' dine'é t'áá íiyisí bich'į' nidahwii'náa dooleeł, tónteel índa tó bíígháán náádadiidáhígíí dadiits'a'go biniinaa t'óó hoł dahalą́ą doo. Yéé' bik'ee índa nahasdzáán bikáa'gi báhádzidii nawólníinii bik'ee háni' áńdaadįįh doo, háálá yá'ąąshdi bee dahółdzilii dadoogał.

Ákohgo ábizhdííniid, Ał'ąą dine'é ałch'į' nídahidiibáah dooleeł, áádóó łahgo nihokáá' bee bóhólníihgo bił haz'áanii índa náánáła' nihokáá' bee bínááhólníihgo bił nááhást'áanii yił ałch'į' nídahidiibáah dooleeł

Áko ázhdííniid, Ádaa ádahołyą́, áko doo yóó'adanihidi'nóot'ah da, háálá lą'í, Shí Christ ásht'į́, daaníigo shízhi' yee ádadójíigo nidahidookah áádóó, K'ad áajį' ahoolzhiizh! daaníigo. T'ááká bikéé' dah dahidoohkááh yíila'.