Popular Bible Verses from MARK 11

Share

Éí bąą ánihidishní, T'áá ha'át'íhída dayínóhkeedgo bíká sodadołzinígíí éí t'áá íídą́ą́' nihaa deet'ą́ągo deinohdlą́ą le', áko danihíí' dooleeł.

T'áá aaníígóó ánihidishní, T'áá háiida díí dziłígíí, Dah ni'doot'aahgo tónteel biih nidi'yólghan, yidííniidgo áádóó bee hadzoodzí'ígíí bohodoolnííł jinízingo hajéí t'áadoo bił naaki nilíní joodlą́ągo éí há bohodoolnííł.

Áádóó t'áá sodadołzin bik'eh ła'da t'áá baaní hólǫ́ǫgo bik'ijį' danohłínígíí bá yóó'anídahidoh'aah, áko doo ákǫ́ǫ́ ádaahdzaaígíí nihiTaa' yá'ąąshdi hólóonii nihá yóó'ánéididoo'ááł.

Áko hach'į' hanáánáádzíi'go áháłní, Diyin God deinohdlą́ągo baa dadzíínóhłí.

Áádóó naz'neeztą́ą'go ábijiní, Da' kót'éegoósh doo bee ak'e'ashchį́į da, Shikin éí ał'ąą dine'é t'áá ałtso bá kin bii' sohodizin wolyée doo? Nidi aghada'ii'níiłii be'a'áán ádaahłaa lá.

Áko alą́ąjį' índa akéédę́ę́' nooyéłígíí dadilwoshgo ádaaní, Baa ha'niih le'! Bóhólníihii bízhi' bee bi'dójíigo yigáłígíí bik'ihojidlíi doo!

Nihizhé'é yę́ę David bee bóhólníihgo bił haz'áanii dooleełígíí bik'ihojidlíi doo! Aghánáhóó'áádę́ę́' baa ha'niih le'!