Popular Bible Verses from Jon 19

Share

Iesu ga in mo lavaen la melemu ga lok keretna, “I xap ta.” La lavatlak teren ga riding si la neni ga met.

Melemu ne Iesu gaklen i do levempanga axap mo diga lok axap pam i ri lox asorun levelinga xeneng at Lovoang Kaala mumu i; neni ga lok, “A minu.”

Iesu ga ven nenen la laradi loklok ka anasa ren, neni ga vavara aleng i, duga tu go; kuren la neni ga lok ti nenen keretna, “Neni lamdak taram.” La neni ga lok ti laradi loklok ka anasa ren keretna, “Neni nenam.” Ga ru ka i ap mo loxonaleng mo laradi loklok ka anasa ga lok ka i xusu na lok tatao i ro xolonu ren.

Ketla se diga vot go at ne Iesu, diga ven i do neni ga met pam; kuren la di goxo sep pit luxangkedek teren. Ketla lara laradi esep ga bo rup mi lososo ro at labangbaangis at ne Iesu la soso mun lada eburu mi ladan ga sen su.

Na levempanga ga ravasu xusu ri lox asorun levelinga at Lovoang Kaala, i lok keretna, ‘Kopmen tekosi ren naba repit.’ La lara lenep at Lovoang Kaala i lok bok keretna, ‘Limixin diba ven ti mo laradi diga bo i mi lososo.’

La ne Iesu ga vas su la ga sosolok laxaba ren la gat pas uto at loxot, laasen teren, “Lavatlak Tongan.” At lavapaase Ibru, laasen teren do Golgata.

La luvuttadi esep diga vele lavatkiam tin mi livin gagas la diga lok li i ro at lavatlak teren; diga lok ka labantamon memele at loorong silok la di ga lok li box i at ne Iesu.