Popular Bible Verses from Mak 9

Share

Yesu i giuwena gado, “Bai aubaina kuna giu, ‘Bamo te tam ḡemoḡemotim?’ Aiyai ya waisumaḡana ba Maimaituwa ḡemoḡemotina bai matabuna tana aubaina ya voiyedi.”

Noi taunana te gomana tamana i kaiḡabalana gado, “Aee, yea waisumaḡa, bi mote egu sumaḡa i didiga. Kwa sagugu te egu waisumaḡa ya didiga!”

Muliḡa Yesu i nawa vanuwa noponemo, bi ḡome tedi taudiḡa bi ena tauwaikaiwatana ai talaye, “Bai aubaina tama mote ḡemoḡemotina te maso aluwa gebogebona ke kwavi vai?” Bi Yesu i giuwedina gado, “Niga mai aluwina ba pali taunaḡa ka ya kwavi vai, mote bai ḡesauna.”

Soliti ba mwali visuvisuna bi bamo te dinina i kovina, ba bainewa ko voiye bi ya dini munaḡa? Temi didiga aubaina ko wai kagiuna mba temi mai soliti dinimi i kovi. Temi emi yawasana maso mai kani solisolitina dinina. Temi maso mainana nuwavisumo emi lava vaitedi kona miya.”

“Aiyai isagumo bi gomana ḡaubona mai niga gomenina i giuvaina ba tagu ya giugiuvaigu, bi kota aiyai tagu ya giugiuvaiguna ba tana mote tagu tauguḡa ima giugiuvaigu bi taugiukamaḡegu vaitena ya giugiuvai.”

Yea giugiu kauwemi, bamoda lava aiyai gauba i yaai bi i vitemina, banina temi tagu taukaiwatagu, ba ena maia mote imai geḡa bi ya vai.”

Bamo te niga libilibidi mododimo gomana ḡaubona ḡemota i waisumaḡegu bi aiyai i voiye wapa bi gebomo i kuluvana, ba i visu te lavana gadonemo ḡakima dididiga sa duli bi nisamo sa pwalaḡe nawe.

Bamo te matam i voiyem bi gebomo kuna kuluvana ba kwaḡivoi kamaḡe. I visu te matam ḡemota bi Maimaituwa ena waibadamo kwa saḡa. Mote i visu te matam labu bi sa pwalaḡe nawem iyoyoḡamo.