Popular Bible Verses from Mateo 15

Share

Eyá iná numá chiyá iná quemá nacaje nacú, iná pechu nacú ri'imacá que. Pu'uhuaré péchuruna ina'uqué. Aú calé nala'á pu'uhuaré napechu locópa'alaja. Pu'uhuaré péchuruna ne'emacale, ina'uqué i'ijnatá napéchuhua pu'uhuareni nacú. Pu'uhuaré péchuruna ne'emacale, nenó ina'uqué. Pu'uhuaré péchuruna ne'emacale, achiñana, inaana quele la'añó namanaicho pajhua'atéchaca. Pu'uhuaré péchuruna ne'emacale, nata'á ajopana liyá nanane. Pu'uhuaré péchuruna ne'emacale, majopeja napajlaca, nachapújra'aco ajopana nacú.

Iná numá chojé iná a'á a'ajnejí, iná ajñácaloje ricá penaje. Uncá iná la'alá pu'uhuaré raú. Eyá iná numá chiyá iná pura'ó pu'uhuaré. Raú calé iná la'á pu'uhuaré —que rimacá najló.

Marí que Tupana quemacá ina'uqué nacú: Mariruna ina'uqué pura'añó palá nunacu nanuma chiyaja calé. E'iyonaja nahuajhué nacú, uncá nahuátala nucá. Uncá na penaje calé nahuacono pajhua'atéchaca nahuacáca'alo ñacarelana chojé, nala'acáloje pu'ují napéchuhua nunacu penaje. Peñahuilánami chuna puráca'alomi nacuja calé nehuíña'ata ina'uqué. Tupana puráca'alo que japi ricá nehuíña'ataca necá rinacu, que Tupana quemacá i'imacá.

Raú Jesús quemari rojló: —¡Meque caphí huani pipechu nochojé! Pihuátaca queja ri'imajica pijló. Marí que rimacá rojló a'apona que Jiñá pechu jácho'oco rutu e'iyayá. Raú richuhuaja rutejmo'otaco.

E'iyonaja ru'ujná rijimaje. Rutára'o rijimaje ru'urúpachi aú. Rumá rijló: —Hue'emacana, pa'á nuñaté. Rimá rojló: —Uncá paala pan ña'acana Israelmi chu laquénami liyá, iná a'acáloje ricá ajopana te'eré eyájenajlo, yáhuinajlo penaje. (“Yáhuina” que judíona quemaqueño ajopana te'eré eyájena nacú.) —Que jo'ó, Hue'emacana —que rumacá rijló—, yáhuina ajñaño caja pan mujrumi te'erí e'iyajé ja'acó.