Popular Bible Verses from Mateo 22

Share

Chi­ura, Jesuska ainirka: —“Kamba atun Taita Diusta ku­iangi kam kikinpa alma­wa, tukui animu­wa i tukui iuiai­kuna­wa”. Chi mandaimi tukui­kuna­manda mas atun ka. —Kai kati­mandapasmi chi man­dai­sina­lla­ta­ta atun ka: “Kam kikin­ta­sina­mi iukangi, tukui runa­kuna­ta­pas kuianga”.

Moisés i Santu Ispi­ri­tu­wa rimag­kuna tukui iacha­chis­ka­kuna, chi iskandi mandai­kuna­pi­mi willa­raiá.

Chasa parlaspa, Jesuska nirka: —Achkakunami kaiaska kan­kuna. Agllas­ka­kunaka, mai­lla­mi kan­kuna.

Wañus­ka­kuna kaug­sa­riska­ura­mandaka, kari ñi warmi mana kasa­ran­gapa kan­kunachu. Imasa suma luar­manda anjil­kuna­sina­mi kaug­san­gapa kan­kuna.

Impuistu kul­ki kua­diruta kawa­chi­wai­chi. Chi­ura, sug kulki apag­rispa kuag­rir­ka­kuna. Chita kawaspa, Jesus­ka tapur­ka­kunata: —Kai kulkipi, ¿pipa ñawitak kawa­ri­ku? ¿Pi­mandatak willaska ni­raiá? —Roma­manda iaia mandag­manda— ainir­ka­kuna. Chasa aini­ura, Jesuska nir­ka­kunata: —Chasa kagpika, Roma­manda iaia mandagpa kas­kata paita kuai­chi. Taita Diuspa kas­kataka Taita Diusta kuai­chi.