Popular Bible Verses from Luki 8

Share

Mago avina yaʼmo alagepa mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo aliʼa lama ge apaipamo kanale apaipafiʼmo maleteʼapaeʼmo alagepa kateʼmo uge uge huʼa maiʼneʼapaeʼmo alagepa alagamo neʼae.

Mago avina yaʼmo aufe nofiʼmo haneʼniya mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo atale uʼa ma mopafi kavafeʼmo hapausoli huge monieʼmo apakesa alaʼamo afige ma mopafi kavafeʼmo apamogaga aige huʼa maime maime neʼvagenoʼaeʼmo ani kavaʼmoʼa aeno apati kaeʼnigeno alagaʼamo neʼaeyana afu nole.

Mago avina yaʼmo yafa agotofuleʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo apamogaga neʼaiye. Hafuʼyamo mopafi oʼaeʼniya agufa kavaʼmo huʼa yoka apakesamo afiʼa fatago huʼnagenoʼaeʼmo apamalageka nehiya afinaʼmo ataleʼa ago asagauʼa neʼaiye.

Yesuʼa hunoʼaeʼmo, lapakesamo afita fatago huʼnaya kavatapimo haiyaʼaleʼmo haneʼniye, huno ge huno apafi geʼnigeʼapaeʼmo koli huteʼa apakaiʼapimo huʼapaeʼmo, yasimoʼe aniʼmoʼeʼmo geʼamo afiʼnaʼagi mani vekamo na agufa vekamo maiʼnenoʼaeʼmo nehiye, huʼa huteʼa hapau aiʼnae.

Mago avina yaʼmo kateʼmo asagauno aiʼniya avina yakana huʼa vayaʼmogi Goti geʼamo afitagenoʼaeʼmo Sataniʼmo eno ani gemo apaipafatiʼmo alinino neʼviye. Sataniʼa hunoʼaeʼmo, fiku yanageʼa geʼaeʼmo apakesamo afiʼa fatago hisageno Gotiʼa apakufamo alino katino apategaiye, huno agesamo neʼafiye.

Muki yaʼamo fala kiʼniya yaʼmo alino afole aino ategaiye. Muki kavaʼmo huʼa aeʼa ati nekaya kavaʼmo afole yategamo afole aigiye.

ani a kanomoʼa ageʼniyana ago nageʼniye, huno agesamo afiteno atete haume haume eno Yesu haopaleʼmo agoʼya faiʼneno muki vayaʼai apaulagaleʼmo hunoʼaeʼmo, alika nahageka natesanafeʼmo ame aliʼnogeno aiguʼyaʼnimo malage huno nahageʼniye, huno ha paiʼnigenoʼaeʼmo, aʼmafaʼneʼnimogae, huno, kamogaga aiyo. Nagaefeʼmo kagesamo afika fatago nehana kavakamoʼmo alino kahageno kateʼniyanagi kaipamoʼmo falu huʼninageka afaʼa uvo, huno ha paiʼniye.

Uʼa aupatiʼmo hau neteʼapaeʼmo, Ala kava nene, Ala kava nene, huʼa, aeta lapanegefeʼmo hune, huʼa ha paiʼnageno aupatiʼmo he tino aniʼmo lusi kava huno aino holakau holakau huʼniya aniʼe yasiʼefeʼmo hunoʼaeʼmo, afaʼa hano hiʼao, huno hana paiʼnigeʼana geʼamo afiteʼana hano huʼnaʼae.