Popular Bible Verses from Maki 14

Share

Nunumuʼmo hunoʼaeʼmo, Afoʼnimogae, huno, kagaemo muki kavaʼamo huguve huka hisana kavaʼmo afaʼa hugane. Mani kapumo nagaetegatiʼmo alika atalo. Ani ge huʼna huvaʼmonanafa nagaemo nahauʼni kavaʼmo osuka kagaemo kahauʼnisiya kavaʼmo afaʼa huvo, huno nunumuʼmo huʼniye.

Apakaefeʼmo hunoʼaeʼmo, lapamalageka hisiya kavapiʼmo uta haita ofalesayafeʼmo yagaita maiʼnetapa nunumuʼmo hiyo. Lapaunelapameʼmoʼa hunoʼaeʼmo, afaʼa hugune, huno nehiyaʼmonanafa amega lapakufamoʼa hisayafeʼmo lokiya noʼvaiye, huno hapa paiʼniye.

Lama gemo lapa nepauve, huno, vayaʼmogimo nava gemo mani alagepa faigoko geʼnimo aliʼniʼuʼa muki haopalegamo aeʼa hakalo huʼa hapa paisageʼa afisaya vayaʼmogimo mani aʼmoʼa huʼniya kavafeʼmo apakesa afisayafeʼmo ava gemo huʼa hapa paigae, huno hapa paiʼniye.

hunoʼaeʼmo, hosu kavaʼmoʼa faino vego huno yagaino neʼnategeno naipamoʼmo lusi kava huno kana huʼnigeʼna falisuva naipamo nekaliye. Manileʼmo maiʼnetapa kava yagaita maiyo, huno hapa paiʼniye.

Neʼyaʼmo neʼneʼapaeʼmo Yesuʼa peleti mayamo alino auleno ateteno akaya heno geʼamo neʼafiya vayaʼaina apamitenoʼaeʼmo, manimona nagufaʼnimogi alita neyo, huno huʼniye.

Huno huteno kapumo alino Gotifeʼmo hao ke heteno apamiʼnigeʼa mukiʼamogimo ani kapufatiʼmo neʼnae. Agaemo hunoʼaeʼmo, mani kapufi aniʼmo kolaʼnimae. Gotiʼa mani kavaʼmo huguve, huno hu maleʼniya saufa kotalakemo afole aisiyafeʼmo muki asole vayaʼaitefeʼmo aiʼna lakiguve.

Yesuʼa hunoʼaeʼmo, Hemeni haniʼilagamo nagaetegamo afole aisiya kavatefeʼmo muki vayaʼamo ago asagautapa aigae. Goti Mukufiʼmo avoʼmo kae maleʼniya gemoʼmo ani kavafeʼmo hunoʼaeʼmo, Nagaemo sipisipileʼmo yagaino apateʼniya vekamo neʼamagisugeʼapaeʼmo sipisipi anagaʼamo atagu faeʼa apaune heʼa u eʼa hugae, huno huʼniye.

He tita vigetao. Ageyo, huno, nagae kutulu yaʼmo neʼniya vekamo ago neʼe, huno hapa paiʼniye.

lama gemo kaha nepauve, huno, ani haniʼilagamo kokolemoʼmo lole afinaʼmo age oʼaiʼnisigekaeʼmo nagaefeʼmo loleʼe magoʼe afinaʼmo hukaeʼmo, oʼageʼnova vekae, huka hugane, huno ha paiʼnigenoʼaeʼmo