Popular Bible Verses from Luk 12

Share

Ya, buku none ado ale, ado kalokou ado na len mari. Tasah, Nadu Ndramak Awas kameh asahan na len ado batehei budon ta iy eme bwe.”

Arile, ado kanyolom bwena kili ta tondrok ta Kindrei op. Ano ya iri lakou doh Kindrei kameh edeu ewek tado.

Ano Jises tiye i tiri mwan ma badih, “Bale ado kudu tado! Mada ado kaleu tado, ta ado badeh, saseken lakou doh, lakou doh le, tasah koha ndramak badeh, winiyan bado luluwen na lakou solo-an doh, bwe. I buku tan lakou solo-an labai, arile iri lakou mari doh kameh winiyan basebenei koham ta udu le buku doh, bwe le.”

Tasah, i buku none ou tam lakou solo-an udu bolo munyak dah, kameh mesekei ou abudon solo-an ta aliy.

Buku ado abwerei ta iri lakou doh, idah kameh winiyan edeu ari len ja ili hawe len ta manyah tado, ta ado luluwen deh? Bwe!

Ano Jises tiye i toro lau tan: “Ado sabwerei ta manyah tado, saba lakou kameh ado aimon, ma ta bada ado ale, saba lakou kameh ado kataliye.

Handru labai, Kindrei ale badeh, ndrandromwei lami batu ado mari, ya iy tanan ado mwasin labai. Ya, ado sanoh tiri lakou ndra-in iri lau anya kamekes kewek tado. Kindrei winiyan tondrokei ado handru. Ado kanuhun! Ereu budon ta Kindrei, iri sirih badeh, lakou laleyah, arile iy atondrok iri. Eme ya iy winiyan tondrokei ado areu mwasin labai ja.

“Ado marakou sanoh! Tama ado Kindrei badeh, sekesek tado labai, eme ado kameh atondrok lakou hawen.

Ado kanone kanyolom iri sirih se: Iri batah nyamon bwe, ma iri babwe-eh nyamon bwe. Ma hawe iri ari asiu ta asumwe nyamon bwe, arile Kindrei le badeh, anyohan iri. Udu budon ta Kindrei ja badeh, iy kameh atondrok ado udu mwasin labai ja tiri sirih!

Ya ado sabudon sandra-i ta saba nyamon kameh ado kaimon, hawe sabwerei ta saba gwa kameh ado ka-un, ndri-iy.

Idah Kindrei edeu nyasou ma awin ili tiri bwidiu badu lokei, iri bwidiu ado na len dah, ano na len bi-i akeh iri au ala bolo jih ta asun iu. I buku sah, sebwe Kindrei winiyan badeu kolau ma awin bawek tado bwe nadeh? Budon tado handru tinan bwe?

Lakou mari ale aton kede-eh kameh asahan eme lewan, lau mari kameh anuhun ma atou na mada iri.