Popular Bible Verses from Luk 4

Share

“Malawin Ndrabun ta Laban badeh, udu bwele-ek, Tasah, iy suni jo ta atiye sahou ki tiri lau lakou bwe. Iy suni jo ta tiye sahou ki tiri lau are bolo kou kame len, Ma kamekes iri lau mada iri kaseu, kanyolom ja; Ma ta talou malou tiri lau, ado ndra-in handru ka-au. Ma hawe ta tiye ta Laban kameh aseben iri lau tan na jaha doh.”

Eme Jises tiye i tan ja i buku doh, “Sahou ta Kindrei badeh, ndratorowenei ale, ‘Ou atudun le nyara Laban Kindrei tam, ma ou a-en hamon tan le ari kabwe.’ ”

Eme Jises tiye i tan i buku doh, “Ndratorowenei, ‘Lau winiyan balelei le jabi ramen ta samak bwe!’”

Ano Jises udu gwa Jodan eme loken le badeh, iy idih na boto-on ta Malawin Ndrabun. Eme Malawin Ndrabun andrei iy iu ili kon lomale an.

Jises tiye i buku doh i tan, “Sahou ta Kindrei badeh, ndratiye, ‘Ou satehei Laban Kindrei tam sala ta bolo none.’ ”

Ano balik none iy ta madasan mari, arile Jises banuhun iy bwe, ano iy ruwani iy ma iy iu, winiya len ari ja, iy barasahan.

Ano ja, balik andrei iy uru ala loke, suwi suwi iy leheya iy ta kon tinan mari badu munyak, iri kabin atondrok. Eme ma balik tiye i ta Jises i buku doh, “Lakou mari ou atou nane kede-eh, udu minek. Eme ya jo winiyan edeu i tare lau na seken tek, ya eme idah kameh, jo edeu boto-on ma hawe lakou mwasin mari doh kameh i tam, i buku none ou atehei bwili ndru-um keme tek, ma atudun nyarak.” Eme Jises tiye i tan ja i buku doh, “Sahou ta Kindrei badeh, ndratorowenei ale, ‘Ou atudun le nyara Laban Kindrei tam, ma ou a-en hamon tan le ari kabwe.’ ”

Ano ja, balik andrei iy uru ala Jerusalem, eme ma balik atehei iy ales udu bwele-e no-o asiu tinan ta Kindrei loken on. Ano balik tiye i tan i buku doh, “Ou anya ou Nadu Kindrei handru eh, ou akahei ou ado dah ala andri. Tasah, i buku ndratorowenei, ‘Kindrei kameh edeu sahou batanau ili tiri angelo tan ame ta aseben ou ma atondrok ou. Ma idah kameh, iri bwese-ei ou, ma bek winiyan batahi katim bwe.’ ” Jises tiye i buku doh i tan, “Sahou ta Kindrei badeh, ndratiye, ‘Ou satehei Laban Kindrei tam sala ta bolo none.’ ”