Popular Bible Verses from Lucas 17

Share

Dayun inikagiyan haena hi Jesus, “Hipanaw kad ta sa ingkaulii nu iyan sa pagsalig nu kanak.”

Bisan ku kapitu en makasalà duun hu nangkaaldaw ba pasayluwen nuy gihapun ku manayù hu pasaylu.”

Sa sabuwa kandan su maahà din ha naulian en luminikù dà diyà ki Jesus daw kuminulahì ha tagdayè hu Dios. Luminuhud haena duun hu atubangan hi Jesus daw migpasalamat. Saena ha etaw kenà Judio ba taga-Samaria.

Aman magbantay kaw gayed. “Ku amin nuy duma ha nakasalà baldenga haena na ku maghinulsul pasayluwa nuy.

Ininsaan haena hi Jesus, “Dì ba sampulù kaw man sa nangaulian? Hindu en diay su siyam ha mga duma nu?

Ba inikagiyan sidan hi Jesus, “Ku sa pagtuu nuy iling dà kaatiyù hu lisu hu mustasa mahimu en ha suguen nuy hayana sa adagi ha kayu ha humalin diyà ta dagat na makahalin gayed.

Bisan sin-u sa agkanugun hu kinabuhì din matay dà gihapun, ba saena ha tagsunud kanak bisan duun hu kamatayen mailahan hu kinabuhì ha hurà din katapusan.

Inikagiyan hi Jesus sa mga sumusunud din, “Sa panulay ha igpakasalà hu etaw iyan en haena bagad dini ta kalibutan, ba kahid-u gayed taena ha iyan agkahimu ha panulay. Maayad pa ngaay ku ihiket en sa lieg din duun hu adagi ha batu daw leneda diyà ta dagat dì sa mahimu haena ha iyan igpakasalà hu duma ha mga etaw.

“Sa paglikù ku asem siak sa Batà hu Etaw mailing hu panahun hi Noe ha sa mga etaw bà dà tagkaenà daw tag-inumà daw namangasawa hangtud en ha sumineled si Noe duun ku arka. Dayun piglenepan sa tibuuk ha kalibutan aman alan sidan nangalemes.