Popular Bible Verses from Gbantumsə̀ bəd Tùsá 2

Share

Piyɛr kè' í' bàà: «Kóó nɛ́ɛ̀réè aí tə́ŋú, oò sɔ̀g kúnú, bít oò kè' boò piiù baptisma, Yéésù Krístù nə́gə́lú, bɔ̀b invaksə́ oò bəd boò daamíìn kúnú, bít oò bɔ̀b Nwul Gìdń Vɛnɛ́b naú.

Nɛ́b bagké bəd bə̀ nɔ̀ŋ nwɔŋ bəraa Yéésù gbantumsə̀ bəd tə́ bə̀ sáàn də zɛŋ̀mbìá; pɛ̀l bə̀ gàb in bəraa bə̀ kə̀ naà rə boò bòdba, wál bə̀ líí gbèd ɔ̀dba, bít wál bə̀ nyɛ̀m Vɛnɛ́b ɔ̀dba.

Boò kóólé, bə̀ nyìì bəd kə̀ Nwul Gìdńná. Bít bə̀ pìì mɛ́l nwɔŋ luùm gɔ̀ŋ bəd gáàmbìá, kə̀ nɛɛ̀n aa Nwul Gìdń pii bə̀ kpɛŋsɛ́l gáàmbə̀ rə kíin.

Kə̀ nwɔŋ aa nuù yée kíinní, dìímsə̀ nə́ŋ̀ dùm vúgà lɛgú, kìínmbə̀ nwul kpɛŋké nə́ŋ̀ pɛ̀b sə̀n kíin. Nwul lə, yaà nyìì wúl aa ìì kùm dú rə rú. Kàanyée gə́, bə̀ bé' in bəd kìínmbə̀ laa mɛ́l kíin, yaà bə̀ vúgə́l boò sunú. Bə̀ pɛɛ̀l gɔ̀ŋ gɔ̀ŋ, yaà bə̀ kùm nɛ́b aa wərə̀ rə yílə́ nə́ŋ̀ nə́ŋ̀. Boò kóólé, bə̀ nyìì bəd kə̀ Nwul Gìdńná. Bít bə̀ pìì mɛ́l nwɔŋ luùm gɔ̀ŋ bəd gáàmbìá, kə̀ nɛɛ̀n aa Nwul Gìdń pii bə̀ kpɛŋsɛ́l gáàmbə̀ rə kíin.

Nyàm gə́ kóólé, bə̀ wál láŋsə́ wúuú. Wál bə̀ líí in ligə̀ kə̀ ligàá, bít bə̀ líí inlíìnmbə̀ kə̀ lóórá, bít kə̀ tɛ́m ɔ̀gkeá. Bə̀ káŋ Vɛnɛ́bá, bít nɛ́b bəd kóólé ɛ̀g bə̀ kə̀ pɛ̀sá. Bít Báátììkpɛ̀ŋ Vɛnɛ́b kɔ̀ nyàm gə́ kóólé, dɛ̀d zəg nɛ́b aa súú rə boò tə́ŋú.

‹Sɛŋ bəraa yaà dá dugǹ kə̀ bòd də, má Nwul Gìdń mə́ náŋ̀à nɛ́b bəd yílə́ kóólé. Yɛb kɛ́ɛ̀m íí bəd, kə̀ yɛb vɔ̀ɔ̀m íí bəd tá, bə̀ dá Vɛnɛ́b gbantumsə̀ bəd bílàá. Bít Vɛnɛ́b dá yɛb vɔ̀ɔ̀m də̀b íí bəd núù keràá, nɛ́b dooro íí bəd kɔ̀ bə̀ dá lədǹ bəd buunàá.

Nɛ́b bagké bəd kóólé, ìì saŋ̀ ɔ̀dbə kə̀ tɛ́m nə́ŋ̀ní, bít pɛ̀l ìì gàb in bəraa ìì kə̀ naà rə boò bòdba. Bə̀ gə́l gbaŋə̀ boò bərá, bít pɛ̀l bə̀ gàb ba' rə boò bòdba. Kóó nɛ́ɛ̀réè, bə̀ piiù in aa kpánə̀ roó.

Sɛŋ aarə bərə, kóó nɛ́ɛ̀réè, kpə̀ə̀ dɛ̀d Báátììkpɛ̀ŋ nə́gə́lì gə́, dákíìn súúnàá.›

Báátììkpɛ̀ŋ nyàm káŋke gbà'á aarə dáà yaànnà gə́, nyàm dá tígə́l bílàá, bít sòò kɔ̀ dá weèn kə̀ nyɛ̀lə́m kíin.