Popular Bible Verses from Gbantumsə̀ bəd Tùsá 4

Share

Yéésù oò nə́ŋ̀ní tə́ŋtə́ŋ, dá sə̀n báàn nɛ́b bəd súùnmbìá. Nə́gə́l oò bə̀ ní, kùmsə̀n kpɛŋsɛ́l aa piià zɔ̀ŋə yɛ́b ba, dá báàn nɛ́b bəd súùnmbə̀ roó. Bít báá n súúke bɔbm̀ kə̀ oòra.»

Zɔ̀ŋ aa nyɛ̀m bə̀ bɛ́' Vɛnɛ́b gə́, zɔ̀ŋ aa bə̀ wál bərə, wáá kúnú. Boò kóólé, ìì nyìì bəd kə̀ Nwul Gìdńná, bít ìì bàà Vɛnɛ́b nwɔŋ kə̀ váàndoá.

Bít bə́ŋyée gə́, Báátììkpɛ̀ŋá, ǹ ɛ̀g nɛɛ̀n aa bə̀ tə́ bə́ nɛ́b tù' bə̀ ma'ǹ ḿ bəd búúd i'ǹ dú roó. M̀ pii bə́ nɛ́b tù' bə̀ ma'ǹ ḿ bəd váàndoá, bɔ̀b báà bàà kə̀ nwɔŋ ám bìá.

Yéésù kùmsə̀n màn aa Núúboòd Gìdń gám nwɔŋ oò yílú, bàà: ‹Bəŋ aa íí nɛ́b wúl bə̀ wəə̀n bəd làà íí lɛ́' rə, yaà bíl bəŋ yíl bə̀ yàá.›

Nɛ́b gbàád Yahudu bəd bə̀ gàb yàá, Piyɛr kə̀ Yohana tá, bə̀ kə̀ ingabké naà sé; bít bə̀ ɛ̀g bə̀ kə̀ nɛ́b tɛdń bəd kíin. Zɔ̀ŋ aa bə̀ bé' bə̀, bə̀ tə́ nwɔŋ gáàm kə̀ váàndo yée gə́, kò' bə̀ yíl yàá. Bít sèl bə̀ gàb yàá, Piyɛr kə̀ Yohana tá, bə̀ kùmà kə̀ Yéésù tá.

Nɛ́b bagké bəd kə̀ gə̀b boò ra, bə̀ kùm tɛ́m nə́ŋ̀ní, bít kə̀ inselké nə́ŋ̀ní. Kóó nɛ́ŋə̀ nə́ŋ̀má bàà: «Aa yée gbaŋə̀ máá bìá, máá nə́ŋ̀ní tə́ŋtə́ŋ» sé. Zá bə̀ wál in bəraa bə̀ kə̀ naà rə kóólé nə́ŋ̀ní.