Popular Bible Verses from Yohana 10

Share

Lííro gə́, yaà bɔɔ̀n pa'ǹmbìá, lo'ǹmbìá, bít yɛɛ̀lǹmbìá. Zá máá gə́, mə́ yaà rə, bɔ̀b nɛ́b bəd boò bɔ̀b gɔ̀ŋsá, bít boò bɔ̀b gɔ̀ŋsə́ rə gbà'ákù.

«Máára mə́ kùmsə̀n bɛ̀rə̀ yibə̀ sɔ̀ɔ̀ná. Bɛ̀rə̀ yibə̀ sɔ̀ɔ̀n tə́ gɔ̀ŋsə́ oò piìn bɛ̀rə̀ oò bəd bòórú.

Bɛ̀rə̀ mə́ bəd bə̀ kè' mə́ nwɔŋ tə́ kúnú. Mə́ gàb bə̀ yàá, bít bə̀ bàg mə́ tə́ kúnú.

Mə́ tə́ bə̀ gɔ̀ŋsə́ aa bɛ́d bə̀ gá rə piinàá. Val kòd bə̀ bə gá, bít nɛ́ŋə̀ nə́ŋ̀má bán bə̀ nyá'ǹ ke'ǹmbə̀ máá nɛɛ̀n tɛ́mə́ gá.

Máára mə́ kùmsə̀n wúl waàlá. Màn aa pìì bàg máá səǹ də, dákíìn súúnàá. Dákíìn báàn piìnmbìá, dákíìn báàn vúgǹmbìá, bít dá inlíìnmbə̀ kíìn bɔbàá.

Máára mə́ kùmsə̀n bɛ̀rə̀ yibə̀ sɔ̀ɔ̀ná. Mə́ gàb bɛ̀rə̀ mə́ bəd yàá, bít bɛ̀rə̀ mə́ bəd kɔ̀, ìì gàb mə́ yàá

Báá mə́ pii mə́ sə̀n bɛ̀rə̀ mə́ bərá. Oòra kànsə̀n in gə́ kóólé. Nɛ́ŋə̀ nə́ŋ̀má bán bɛ̀rə̀ bəd nyá'ǹ ke'ǹmbə̀ Báá mə́ nɛɛ̀n tɛ́mə́ gá. Mə́ kə̀ Báá mə́ tá, bə́ tə́ nə́ŋ̀ní.»

kìínmbə̀ nɛɛ̀n aa Báá mə́ gàb mə́ rú, máá kɔ̀ mə́ gàb Báá mə́ rú rə kíin. Bít mə́ tə́ gɔ̀ŋsə́ mə́ piìn, bɛ̀rə̀ mə́ bəd bòórú.

Nɛ́ŋə̀ nə́ŋ̀má pà' mə́ gɔ̀ŋsə́ gá. Zá mə́ pii gɔ̀ŋsə́ mə́ kə̀ tɛ́m máá bìá, mə́ tə́ kə̀ kpɛŋsɛ́l naà piìnmbìá; bít mə́ tə́ kə̀ kpɛŋsɛ́l naà, gɔ̀ŋsə́ ke'ǹmbə̀ sɔ̀ŋ. Aa yérə, in aa Báá mə́ bàà máà mà' roó.»

Yéésù bàà sɔ̀ŋ: «Mə́ tə́ ii kíìn baanàá, aarə nwɔŋ sɔ̀ɔ̀ná, mə́ bɛ̀rə̀ wúl waàlá.

Nɛ́ŋə̀ aa mà' tù' ba' bə̀ saàn də, bɛ̀rə̀ yibə̀ gá, bít kə̀ bɛ̀rə̀ naà sé. Nɛ́ŋə̀ aarə, bé' gbàál lɛ̀gsɛ́rə̀ tóò yaànnà oò səǹ gə́, nùù dá bɛ̀rə̀ bəd kíìn daanàá. Gbàál lɛ̀gsɛ́rə̀ kɔ̀, dá bɛ̀rə̀ bəd kíìn koràá, bít dá bə̀ kíìn niŋ̀ sa'nàá.

Yéésù bàà: «Mə́ tə́ ii kíìn baanàá, aarə nwɔŋ sɔ̀ɔ̀ná, nɛ́ŋə̀ aa pìì bɛ̀rə̀ wúu, bàg wúl waàl bə sé, zá bít dáá na' ság yílú, dáá pìì zɔ̀ŋ nə́ŋ̀ gɔ̀ŋ bərə, màn aarə lííroá, bít nɛ́ŋə̀ in bə̀ nyá'ǹ ke'ǹ nɛ́b bəd naú.