Popular Bible Verses from Yohana 14

Share

«Mə́ tə́ ii tɛbə̀ daanàá, bít mə́ tə́ ii tɛbə̀ mə́ piinàá. Mə́ pii ii kìínmbə̀ nɛɛ̀n aa nɛ́b zɔ̀ŋə yɛ́b bə bə̀ pii rə kíin gá. Tɛ́m oò nyágə́li sí, bít ìì nùù də́dǹ sí.

Yéésù kè' í'ù: «Máára mə́ kùmsə̀n kpaŋ̀ aa tə́ vɛ́nà i'ǹ Vɛnɛ́b yílú, bít tə́ nɛ́b bəd gɔ̀ŋsə́ piìn doó. Nɛ́ŋə̀ nə́ŋ̀má bán dáànmbə̀ Báá sunú, bàg máá səǹ gá gə́ sé.

Yéésù bàà nɛ́b sáànmbə̀ oò bəd: «Tɛ́m oò nyágə́li sí. Ìì zíg tɛ́m Vɛnɛ́b naú, bít ìì zíg tɛ́m máá naà kɔ̀.

Màn aa dá ii láŋ̀ bərə, Nwul Gìdń aa Báá mə́ dáiyà tuùm piìnnà máá nə́gə́lə́ roó. Yaà dá ii in bəd sáàn kóólé, bít dá ii in bəraa mə́ bàà ii rə kíìn seèl záàn kóólé.

«Màn aa kò' kùd indaŋ̀mbə̀ mə́ bəd oò tɛ́mú, bít ləə nwɔŋ boò rə, í' mə́ sùnú. Bít nɛ́ŋə̀ aa í' mə́ rə, Báá mə́ dáù kíìn í'nàá. Máù kíìn í'nàá, bít máù nɛɛ̀n aa mə́ kùm dú rə i'nàá.»

Máá Báá dɛràá, oò pii iiyà nɛ́ŋə̀ nə́ŋ̀ ɔ̀ɔ̀rá, bɔ̀b yaà oò láŋ ii ba, oò kùm kə̀ aí tá, sɛŋ gə́ kóólé. Oòrə, nɛ́ŋə̀ aa bə̀ dɛ̀rə̀ Nwul Gìdń, tə́ ii vɛ́nà i'ǹ doó. Nɛ́b aa zɔ̀ŋə yɛ́b bərə, bə̀ bánə̀ ke'ǹmbə̀ gá; sáad də, bə̀ bánnə̀ bé'ǹmbə̀ gá, ìì bánnə̀ gabm̀bə̀ gá. Zá aí gə́, íí gàbə̀ yàá. Kàandə, kùm tə́ kə̀ aí tá, bít tə́ aí rú.

Bít in aa íí dɛ̀d máá nə́gə́lə́ rə gə́ kóólé, má ii kíìn ma'nàá, bɔ̀b Wàà oò ì' nɛɛ̀n aa Báá oò kaŋsɛ́l kùm dú roó. Íí nyɛ̀m in nə́ŋ̀ì máá nə́gə́lə́ gə́, máá ii in də kíìn ma'nàá.»

«Dáà íí í' mə́ì gə́, íí dá indaŋ̀mbə̀ mə́ bəd kíìn ləənàá.

Zɔ̀ŋ ləə̀nmbə̀ tə́ zùúm Báá Vɛnɛ́b yiilú. Dáà aarə nwɔŋ sɔ̀ɔ̀n síngə́, mə́ bàà ii gá. Kə̀ taàbìá, máá kíìn ɛmàá, máá ii dáàn zɔ̀ŋ ləə̀nmbə̀ kuràá.

Bít ɛ̀m dá mə́ kùriyà zɔ̀ŋ ləə̀nmbə̀ì gə́, kid máà kíìn bíràá, bít yaà máá ii kíìn pa'nàá. Kə̀ aakíin də, íí dáá ɛɛ̀m kə̀ máá tá, bɔ̀b zɔ̀ŋ aa mə́ ləə bərə, aí kɔ̀ dáì ləə wərə̀ kɔ̀.

Tomas bààù: «Báátììkpɛ̀ŋá, bə́ gàb zɔ̀ŋ aa ń tə́ dáàn bərə sé. Ééleè bá taà báàn kpaŋ̀ də gabm̀bə̀ gú?»