Popular Bible Verses from Yohana 21

Share

Líí bə̀ bɛ́' inlíìnmbə̀ gə́, Yéésù dɛ̀d Simon Piyɛr: «Simon, Yohana wàá, í'sɛ̀l ń aa kə̀ máá rə, kànsə̀n nɛ́b aa yée bèì?» Kè' í'ù: «Èè, Báátììkpɛ̀ŋá, ń gàb yàá, mə́ í' n tə́ kúnú.» Bít Yéésù bààù: «Ǹ zàn bɛ̀rə̀ yɛb mə́ bərá.» Bít Yéésù gámə̀ nwɔŋ sɛŋ iirə oò roó, dɛ̀rə̀: «Simon, Yohana wàá, ń í' mə́ yèè?» Kè' í'ù: «Èè Báátììkpɛ̀ŋá, ń gàb yàá, mə́ í' n tə́ kúnú.» Bít Yéésù bààù: «Ǹ nwán bɛ̀rə̀ mə́ bərá.» Yéésù gámə̀ nwɔŋ aa gə̀b toorə sɔ̀ŋ: «Simon, Yohana wàá, ń í' mə́ yèè?» Simon tɛ́m sabə̀ yàá, Yéésù dɛ̀rə̀ sɛŋ toorə: «Ń í' mə́ yèè?» roó. Bít kè' í' Yéésù: «Báátììkpɛ̀ŋá, ń gàb in gə́ ìì kóólé, ń gàb yàá sɔ̀ɔ̀nkè, mə́ í'ǹ tə́ kúnú.» Yéésù bààù: «Ǹ zàn bɛ̀rə̀ mə́ bərá.

Mə́ tə́ən kíìn baanàá, aarə nwɔŋ sɔ̀ɔ̀ná' sɛŋ aa bə́ŋ̀ ń tə́ də̀b də, ń páá sìní gɔ̀' ń kə̀ yíl ń da, ń ɛ̀m zɔ̀ŋ aa ń í' bəroó. Zá sɛŋ aa ń dooì rə, ń dá nɛɛ̀n wɔràá, bít nɛ́ŋə̀ nə́ŋ̀ gɔ̀ŋ dáan sə̀n gɔ̀' páánàá, ko' dá n aàn zɔ̀ŋ aa ń í' dáànmbə̀ bə síndə ba.»

Bít bàà bə̀: «Ìì lɛ́' lìbə̀ gbàád íí bəd də kə̀ə̀d nɛɛ̀n váànú bə̀ rú, íí dá díb kíìn koràá.» Làà bə̀ lɛ́' lìbə̀ gə́, pɛ̀d bə̀ kíìn diŋ̀ pá'ǹmbə̀ kə̀ə̀rú; kàandə, bə̀ kòd díb zùúm yàá.

Simon Piyɛr bàà bə̀: «Máá gə́, máá ɛɛ̀m díb ko'ǹmbìá.» Kè' bə̀ í'ù: «Obə́ kɔ̀, bá ɛɛ̀m kə̀ ám tá.» Bít ɛ̀m dá bə̀ pìì kə̀ə̀rú. Zá tígə́l aarə rú rə, bə̀ kò' díb sé.