Popular Bible Verses from Luka 18

Share

Bòórú gə́, Yéésù sán bə̀ zagəm aa yóo, bɔ̀b boò dàà Vɛnɛ́b nyɛɛ̀mbə̀ sí, bít boò bɔ̀' váàndo boò sí, sə́g sə́g.

Vɛnɛ́b nɛ́b bəd kpə̀ə̀ bə̀ tə́ Vɛnɛ́b dɛdǹ tígə́l kə̀ nyàámbərə̀ tá. Sɛŋ gə́ kóólé, Vɛnɛ́b dá bə̀ in aa tə́ wɔ̀ɔ̀lə̀ rə piinàá. Bít Vɛnɛ́b náŋ nwɔŋ boò bəd ke'ǹ í'ǹmbə̀ gá. Mə́ tə́ ii kíìn baanàá, Vɛnɛ́b dá bə̀ in wɔ̀ɔ̀lə̀ ma'nàá, bít dá bə̀ ma'ǹ kə̀ báŋ. Zá sɛŋ aa nɛ́ŋə̀ aa bə̀ dɛ̀rə̀ Nɛ́ŋ Váàndo Wàà rə yaaì rə, dá bée nɛ́b tɛ́mbagké bə̀ bəd bɔbm̀ zɔ̀ŋə yɛ́b beè?»

Yéésù kè' í': «In aa nɛ́b bəd bán ma'ǹmbə̀ gá rə, Vɛnɛ́b gə́, dá kíìn báàn ma'ǹmbìá.»

«Sɛŋ zùúm, nɛ́d fágə́n bə̀ ma'ǹ məə bée. Bítsɔ̀ŋ, bàà yíl oò: ‹Vɛ́nà, mə́ nùù Vɛnɛ́b gá, bít mə́ ləə nɛ́ŋə̀ nə́ŋ̀má gá. Zá valkéèn aa yaà tə́ mə́ vɔgə̀l sáàn yée, máá nwɔŋ oò kíìn fágàá. Síngə́, dàà líbm̀ yaànmbə̀ gá, bít dá mə́ kíìn mú'ǹ gbàákù.› »

Mə́ tə́ ii kíìn baanàá, aarə nwɔŋ sɔ̀ɔ̀ná' Màn aa kè' Vɛnɛ́b oò ləə gààd obəǹ yílú, kìínmbə̀ wàà bɛ̀ŋ́sə̀wà kè' rə kíin síndə, bán piìnmbə̀ Vɛnɛ́b Gààrú gá.»

Zá Yéésù dɛ̀d àà yɛb bɛ̀ŋ́sə̀ bəd oò sunú, bít bàà nɛ́b sáànmbə̀ oò bəd: «Ìì dàà yɛb bɛ̀ŋ́sə̀ bəd boò yaà máá sunú! Ìì dàŋ bə̀ sí. Kàandə, Vɛnɛ́b ləə gààd tə́ nɛ́b aa kìínmbə̀ yɛb bɛ̀ŋ́sə̀ bəraa kíin də yílú.

Bít Yéésù bààù: «Núù ń bəd boò keèd kúnú! Tɛ́mbagké ń gáŋ n si' yàá.»

Yéésù bààù: «Kə̀ níìbə̀ ń dɛ̀d mə́ taà nɛ̀n sɔ̀ɔ̀n gú? Nɛ́ŋə̀ nə́ŋ̀má nɛ́ŋə̀ sɔ̀ɔ̀n sé, Vɛnɛ́b oò nə́ŋ̀ní tə́ŋtə́ŋ, kùmsə̀n nɛ́ŋə̀ sɔ̀ɔ̀ná!