Popular Bible Verses from Luka 21

Share

Zá ìì ləə ləəm sí, ìì nyɛ̀m Vɛnɛ́b sɛŋ gə́ kóólé, bɔ̀b ìì bɔ̀b kpɛŋsɛ́l nuùn súùnmbə̀ in aa dá ii wə́ə̀n də rú kóólé; bít íí dá taà kpaŋ̀ bɔbm̀, diìnmbə̀ nɛ́ŋə̀ aa bə̀ dɛ̀rə̀ Nɛ́ŋ Váàndo Wàà rə númú.»

«Ìì gú' yíl aí bə̀ kə̀ in bəraa íí tə́ ma'ǹ doó! Ìì zíg tɛ́m íí badn nyəə̀n widǹmbə̀ bə̀ní, bít kə̀ in bəraa zɔ̀ŋə yɛ́b bərə í'ǹmbə̀ ní sí. Bít sɛŋ aa nɛ́ŋə̀ aa bə̀ dɛ̀rə̀ Nɛ́ŋ Váàndo Wàà rə dáà bídǹnà bərə, yaà dá ii kíìn nyííràá.

Ìì sìd kúnú' Kə̀ taàbìá, íí dá taà gɔ̀ŋsə́ aa bɛ́d bə gá rə bɔbàá.»

Kàandə, má ii nwɔŋ ingabké bə̀ piìn kə̀ yíl mə́ra, bɔ̀b ɔ̀dmáàn íí bəd boò bán nwɔŋ aarə ke'ǹ í'ǹmbə̀ sí, sínkɔ̀ diìnmbə̀ aí númú, kə̀ kpɛŋsɛ́l sí.

Lɛg kə̀ yɛ́b tá, dákíìn bɛ́ràá, zá nwɔŋ mə́ bəd gə́, bɛ́d gá.»

«Bòórú oòrə, inkɔrə bəd dáà vúgǹnà sòò rú, nyàmú, bít kə̀ dùdù yɛbú. Nwuu gbà'á dìímsàá, bít kə̀ wááke oòra, dá sə̀n nɛ́b aa zɔ̀ŋə yɛ́b bərə də́dǹ tó'nàá. Kàanyée gə́, bə̀ bɔ̀b nwɔŋ nə́ŋ̀má gáàmbə̀ gá. Nɛ́b bəd dá píìl yɛ́b bə kə̀ val kíin, kə̀ seèlǹmbə̀ in bəraa dá wə́ə̀n yɛb bəroó. Kàandə, Vɛnɛ́b dá in kpɛŋsɛ́l bə̀ bəraa lɛgə́ paà rə kíìn wá'nàá. Bít nɛ́b bəd dá nɛ́ŋə̀ aa bə̀ dɛ̀rə̀ Nɛ́ŋ Váàndo Wàà rə bé'ǹ tóò yaànà mɔbú, lɛgə́ poú, kə̀ kpɛŋsɛ́lá, bít kə̀ Vɛnɛ́b kaŋsɛ́l laa nyɛdkè gbà'á tá.

Nɛ́b bəd kóólé, bə̀ dá ii kíìn zeenàá, máá nə́gə́lú.

Yɛ́b dákíìn wáàn yɛ́b gɔ̀ŋ gɔ̀ŋ ba, bít gulùm dákíìn piìn yɛ́b ba. Bít bə̀ dá mad aa kò' nɛ́ŋə̀ nə́ŋ̀ì gə́, bít bàg nɛ́ŋə̀ ɔ̀d də bɔbàá. In bəraa mà' də́dǹ doó, kə̀ inkɔrə gbàád bəd tá, dáà vúgǹnà lɛgə́ poú.

Sɛŋ aa íí kìì bùm nwɔŋ yàá, bít nɛ́b bəd nə́' nə́gə̀d tə́ kə̀ gààd boò bəd də, də́dǹ oò mà' ii sí. Kàandə, in bəraa rə, éèn oò sɔ̀d sína, zá yɛ́b gə́, dùg kə̀ báŋ gá.» Kàanyée gə́, bàà bə̀: «Yɛ́b nə́ŋ̀ dá bùm nə́'ǹ kə̀ yɛ́b ɔ̀ɔ̀rá, bít gààd nə́ŋ̀ dáráàn bùm nə́'ǹ kə̀ gààd ɔ̀ɔ̀rá.

«Bòórú oòrə, inkɔrə bəd dáà vúgǹnà sòò rú, nyàmú, bít kə̀ dùdù yɛbú. Nwuu gbà'á dìímsàá, bít kə̀ wááke oòra, dá sə̀n nɛ́b aa zɔ̀ŋə yɛ́b bərə də́dǹ tó'nàá. Kàanyée gə́, bə̀ bɔ̀b nwɔŋ nə́ŋ̀má gáàmbə̀ gá. Nɛ́b bəd dá píìl yɛ́b bə kə̀ val kíin, kə̀ seèlǹmbə̀ in bəraa dá wə́ə̀n yɛb bəroó. Kàandə, Vɛnɛ́b dá in kpɛŋsɛ́l bə̀ bəraa lɛgə́ paà rə kíìn wá'nàá.

Kàanyée gə́, bàà bə̀: «Yɛ́b nə́ŋ̀ dá bùm nə́'ǹ kə̀ yɛ́b ɔ̀ɔ̀rá, bít gààd nə́ŋ̀ dáráàn bùm nə́'ǹ kə̀ gààd ɔ̀ɔ̀rá.

Yéésù bàà: «Ìì gú' yíl aí bìá, ìì dàà nɛ́b bəd boò záá ii sí. Kàandə, nɛ́b bəd zùúm, bə̀ dáà kíìn yaanàá, bə̀ dáà ɛɛ̀mmà kə̀ nə́gə́l máá bìá, bə̀ dá baàn: ‹Máára mə́ kùmsə̀n Nɛ́ŋə̀ aa Vɛnɛ́b tɔ̀bə̀ gààd kílə́m yílə́ roó!› bít bə̀ dá baàn: ‹Sɛŋ wə́ə́ yàá.› Zá ìì bàg bə̀ sí.